LUKAS 7:27 - Rengah Jian

²⁷ Uban Yohanes nah, iah néh éh benara' kelunan lem surat Allah ka', Ha' Allah, Inah éh lawah Ké', Akeu' juk nyohoo' éh tai saa' tenah Ko' ke' néh petenup jalan Ko', ha' Néh.

LUKAS 7:27 Iomraidhean Croise

MATIUS 11:10

Uban Yohanes Batis nah, iah néh éh benara' lem surat Allah ka', Ha' Allah bara', Iteu' éh lawah Ké', Akeu' juk nyohoo' éh tai saa' tenah Ko' ke' néh petenup jalan Ko', kenat ha' lem surat Allah.

MARKUS 1:2

Tong bu'un Rengah Jian inah, pu'un éh pekua' barei' éh senurat nabi Yesaya sahau, Ka' ha' Allah pané, Iteu' néh lawah Ké'. Akeu' nyohoo' lawah Ké' tai saa' tenah Ko', ke' néh petenup jalan Ko'.

LUKAS 1:76

La'ah tong Ka'au' nak, pinaa' kelunan juk bara' ke' jah nabi Allah éh bau kekat ineu'-ineu' péh. Ka'au' éh tai tenah Tuhan dat ngan petenup kekat jalan Néh,

LUKAS 7:26

Bang ineu' éh juk ta'an keh mu'un, nabi Tuhan kei. Oo', mu'un, bang inah Akeu' bara' ngan keh, pu'un keh lepah na'at jah usah éh pelapah ja'au jin kekat nabi.

LUKAS 7:28

La'ah ha' Yésus, Akeu' bara' ngan keh, bé' pu'un kelunan séé'-séé' tong tana' éh pelapah ja'au ngaran jin Yohanes Batis, bang na' péh kenat, belah kelunan éh lem nihau Allah, kelunan éh ra' mu'un inah éh pelapah ja'au jin Yohanes nah, ha' Yésus ngan réh.

YOHANES 1:23

Ka' ha' Yohanes mipa réh, Akeu' néh éh benara' nabi Yesaya lem surat néh rai, ha' Yesaya nah, Jah kelunan mejui tong ahang tana', ka' ha' néh, pepejek jalan ngan Tuhan, ha' néh.