LUKAS 7:26 - Rengah Jian

²⁶ Bang ineu' éh juk ta'an keh mu'un, nabi Tuhan kei. Oo', mu'un, bang inah Akeu' bara' ngan keh, pu'un keh lepah na'at jah usah éh pelapah ja'au jin kekat nabi.

LUKAS 7:26 Iomraidhean Croise

LUKAS 1:76

La'ah tong Ka'au' nak, pinaa' kelunan juk bara' ke' jah nabi Allah éh bau kekat ineu'-ineu' péh. Ka'au' éh tai tenah Tuhan dat ngan petenup kekat jalan Néh,

LUKAS 16:16

Ka' ha' Yésus kepéh, Pu'un kelunan kivu kekat ha' lem Surat Musa ngan kivu ha' lem surat éh senurat irah nabi sahau, pah avéé' tong pengurip Yohanes Batis rai, la'o inah kepéh Rengah Jian éh bara' tong jalan Allah pu'un Pengeja'au, inah kepéh perengah kelunan, ngan mekat mu'un réh pitah jalan ke' réh omok tai lem nihau Tuhan kenat.

LUKAS 20:6

Bang hun tam bara', Kelunan éh nyohoo' éh, adang kekat kelunan pinaa' nah memateu' tam kepéh, uban irah seruh adang Yohanes Batis nah jah nabi Tuhan, ha' réh.

LUKAS 7:25

Kineu' éh juk ta'an keh, jah kelunan éh memakai pakai éh jian mu'un. Kelunan éh memakai pakai kenat, pu'un réh mokoo' awah tong umaa' raja'.

LUKAS 7:27

Uban Yohanes nah, iah néh éh benara' kelunan lem surat Allah ka', Ha' Allah, Inah éh lawah Ké', Akeu' juk nyohoo' éh tai saa' tenah Ko' ke' néh petenup jalan Ko', ha' Néh.

YOHANES 5:35

Yohanes nah, iah barei' jah lapung éh mahang ngan peséng jian, ngan kelebéé' néh pu'un kenat, ka'ah péh murung mokoo' tong nawa néh.