LUKAS 7:22 - Rengah Jian

²² La'ah ha' Yésus mipa ha' rawah éh senohoo' Yohanes ri', ka' ha' Néh, Jian koh moléé' tai bara' ngan Yohanes tong kekat éh ta'an koh ngan éh nenéng koh siteu' ri', inah éh, kelunan éh bé' pu'un ta'an omok réh na'at kepéh, irah éh paket omok réh lakau kepéh, irah éh kapéé' pu'un réh ma'o ngan lanyah kulit réh kepéh, irah éh rengen omok réh menéng kepéh. Irah éh matai omok réh murip kepéh, ngan Rengah Jian benara' Néh ngan kelunan kari.

LUKAS 7:22 Iomraidhean Croise

MATIUS 11:5

Jian keh bara' ngan néh, kelunan éh peseu' omok réh na'at kepéh, irah éh paket omok réh lakau kepéh, irah éh kapéé' pu'un réh ma'o ngan lanyah kulit réh kepéh, irah éh rengen omok réh menéng kepéh, irah éh lepah matai omok réh murip kepéh, ngan Rengah Jian jin Allah benara' néh ngan kelunan kari.

MATIUS 21:14

La'ah kelunan éh peseu' ngan irah éh paket tavin Yésus tong Umaa' Allah nah ngan Iah peka'o réh.

LUKAS 4:18

Sahéé' Tuhan pu'un tong Akeu'. Iah lepah ngevéléé' Akeu' dokoo' ké' bara' rengah jian ngan kelunan kari. Iah nyohoo' Akeu' bara' jalan ngan kelunan ripen ke' réh omok pelepu. Kelunan éh bé' pu'un ta'an, Akeu' maneu' réh omok na'at kepéh. Kelunan éh besau, Akeu' juk ngelepu réh jin kekat kebesau réh neu' kelunan éh maneu' réh.

LUKAS 7:21

Sioo' inah Yésus pu'un peka'o kelunan pinaa' jin kesakit réh, tong kelunan éh nasek balei' pu'un Éh mega' balei' nah. Tong kelunan éh bé' pu'un ta'an Iah maneu' réh omok na'at kepéh.

LUKAS 7:23

Inah kepéh, jian mu'un ngan kelunan éh bé' kurang pengelan tong Akeu', ha' Yésus ngan roh.

YOHANES 1:46

Ka' ha' Natanael, Pu'un koléé' éh jian omok musit jin leboo' Nasaret nah kunah ko', ha' néh. Ka' ha' Pilipus mipa éh, Tuai ke' na'at Éh, ha' néh.

PENGANEU' LAWAH 26:18

Tekep ke' pepekang maten kenin réh, dokoo' réh omok musit jin merem ngan masek tong rema, ngan ngelepu réh jin penyukat Sitan ke' réh tai lem nihau Allah, éh omok mega' penyala' réh neu' pengelan réh tong Akeu', ke' réh omok tai pemung ngan kekat kelunan éh anah ké'. Kenat ha' Tuhan ngan ké' irai, ha' Paulus nah.

PENGANEU' LAWAH 8:7

Pinaa' balei' musit jin kelunan, bika'-bika' balei' nah. La'ah pu'un éh peka'o pinaa' kelunan éh matai keluhat ngan irah éh paket péh.

YAKUB 2:5

Nesen keh, padéé'-padéé' éh kemurung ké'! Allah lepah ngevéléé' kelunan éh kari tong tana' iteu' dokoo' réh omok kaya' dalem pengelan. Irah juk tai lem Pengihau Allah barei' éh lepah pejajii' Néh ngan irah éh pika Iah.