LUKAS 7:16 - Rengah Jian

¹⁶ Kekat kelunan pinaa' nah medai, irah pu'un mejing Allah. Ha' réh, Pu'un jah nabi belah tam siteu', ja'au mu'un penyukat Néh, ngan inah kepéh, Allah pu'un tuai ngan pepoléng penika Néh ngan kelunan éh anah nah, ha' réh.

LUKAS 7:16 Iomraidhean Croise

MATIUS 15:31

Béé kenin kelunan pinaa' menéng ha' kelunan éh mameng nah omok pané, ngan na'at usah kelunan éh matai keluhat nah pu'un jian, ngan kelunan éh paket nah omok lakau ngan gahang, ngan kelunan éh peseu' nah pu'un ta'an kepéh. Pu'un réh mejing Allah éh kenelan kelunan Israel.

MATIUS 21:11

Irah pinaa' éh kivu éh tai leboo' Yérusalem nah mipa ha' réh, ka' ha' réh, Jah nabi, Yésus ngaran néh, éh jin leboo' Nasaret tong tana' Galilia, ha' réh.

MATIUS 28:8

Biau mu'un rawah lakau, pu'un kemedai roh, bang ja'au mu'un kemurung roh, nekedeu' roh ke' roh bara' rengah inah ngan bakéh roh.

MATIUS 9:8

Hun irah pinaa' na'at éh kenat medai réh ngan irah mejing Allah uban Néh mena' penyukat Néh kenat ngan kelunan.

LUKAS 1:65

Medai mu'un kekat panak néh. La'ah kekat rengah inah purat tong tana' Yudea.

LUKAS 1:68

Mejing Tuhan Allah éh kenelan kelunan Yahudi, uban Néh pika irah éh kevéléé' Néh ngan ngelepu réh.

LUKAS 19:44

Adang réh pu'un tuai mematai kekat ka'ah béé. Kekat leboo' iteu' tasa' béé-béé, bé' pu'un jah-jah éh nekedéng keto. Ke' néh pu'un kenat uban keh mahéng kenin ngan bé' nesen Tuhan éh tuai éh juk purip ka'ah, ha' Néh.

LUKAS 2:20

La'ah kelunan éh mihau domba nah, moléé' réh ngan nyanyi mejing Allah, ngeja'au ngaran Néh, uban kekat éh nenéng réh ngan éh ta'an réh pu'un éh pekua' éh benara' meliket ngan réh nah.

LUKAS 24:19

Boh Yésus neteng éh, ka' ha' Néh, Penusah ineu' éh, ha' Néh. Ha' rawah mipa éh, Kekat réh maneu' Yésus éh jin Nasaret. Kelunan éh neu' réh inah, nabi Tuhan. Kekat ha' tebaraa' ngan kekat penganeu' Néh pu'un éh ngan penyukat, kenat éh tong ta'an Allah, kenat péh éh tong ta'an kekat kelunan pinaa' péh.

LUKAS 5:26

Béé kenin kekat kelunan, medai réh, pu'un réh mejing Allah. Ha' réh, Éh ta'an lu' dau iteu' nah, pelapah jian mu'un éh, ha' réh.

LUKAS 5:8

Hun Simon Péterus na'at éh kenat, iah ngejekuu' lep néh tong jumen Yésus, ha' néh, O Tuhan, piso ke' jin akeu' uban akeu' kelunan penyala' awah, ha' néh.

LUKAS 7:15

Kelunan éh matai nah menyun éh ngan pu'un éh pané, boh Yésus mena' éh moléé' ngan tinen néh ri' kepéh.

LUKAS 7:39

Hun kelunan Parisi éh tebai Yésus kuman nah na'at redo inah maneu' kenat iah ngedalem éh, ka' kelem néh, Eii, kineu' Yésus kejeraa' redo inah maneu' éh kenat, hun Néh mu'un iah nabi Tuhan adang Néh jam redo inah sa'at barék, kelem néh.

LUKAS 8:37

Medai mu'un-mu'un kelunan pinaa' nah, inah irah nyohoo' Yésus piso jin leboo' inah. Boh Yésus taket lem alut ke' Néh piso pekua' sohoo' réh nah.

LUKAS 9:19

Ha' réh mipa Éh, Ha' jelua' réh bara' ke' Yohanes Batis, pu'un jelua' réh bara' ke' kepéh, Elia, ngan pu'un jelua' kepéh éh bara' ke', jah nabi, murip kepéh, ha' réh mipa Éh.

YOHANES 1:21

Ka' ha' réh neteng éh kepéh, Né' kenat éh, séé' ke', kineu' Elia ke' néh, ha' réh. Bé', ha' Yohanes. Ha' irah kepéh, Kineu' ke', barang ka'au' péh Nabi, ha' réh. Bé', ha' néh.

YOHANES 1:25

ka' ha' réh neteng Yohanes, Hun ko' bé' Kristus, ngan bé' Elia, ngan bé' Nabi éh pejajii' Allah, kineu' ke' omok ngebatis kelunan nah, ha' réh.

YOHANES 4:19

La'ah ka' ha' redo inah kepéh, O lakei' ja'au, kejam ké' Ka'au éh jah nabi.

YOHANES 6:14

Tovoo' irah na'at telana' naneu' Yésus ja'au mu'un kenat, boh réh bara' ka', Adang kelunan iteu' Iah éh Nabi éh pejajii' Tuhan tuai tong tana', ha' réh.

YOHANES 9:17

Boh irah Parisi neteng kelunan inah jah koléé' kepéh, ka' ha' réh, Pu'un ke' bara' kelunan inah pu'un peka'o maten ko' rai, hun néh kenat séé' énéh kunah ko', ha' réh. Ka' ha' néh mipa réh, Akeu' seruh Iah Nabi, ha' néh.

PENGANEU' LAWAH 5:5

Hun Ananias menéng ha' néh kenat, tioo kuba' éh ngan béé laset. La'ah kekat kelunan éh menéng rengah inah, medai mu'un réh.

PENGANEU' LAWAH 7:37

La'ah Musa nah, pu'un éh bara' ka' ngan pohoo' Israel, Allah juk nyohoo' jah nabi tai ngan keh ke' néh omok bara' kenin Tuhan ngan keh, éh jin pohoo' keh tengéé', barei' néh mena' akeu' iteu' ngan keh rai, kenat ha' Musa, ha' Stepanus nah.

GALATIA 1:24

Inah maneu' réh mejing Allah uban akeu' pu'un ngelan kepéh.