LUKAS 7:13 - Rengah Jian

¹³ Hun Yésus na'at redo inah, Iah pika éh mu'un-mu'un boh Éh pané ngan néh, Ka' ha' Néh, Jian, mai ke' mangaa', ha' Néh.

LUKAS 7:13 Iomraidhean Croise

MARKUS 8:2

Matek penika ké' réh tut, uban teleu' dau tenéh réh mokoo' ngan Ké' siteu' ne', ngan ieng ke' ineu'-ineu' kinan réh.

LUKAS 10:1

La'o inah Tuhan ngevéléé' tujuu' poloo' duah usah kepéh ke' Néh nyohoo' réh lakau peduah-duah usah tai tenah tong siget leboo' ngan tana' éh juk tenavin Nah ke' kepéh.

LUKAS 11:1

Jah koléé' tovoo' Yésus sebayang tong jah jalan, la'o Néh sebayang nah, inah jah bakéh Néh nyohoo' Éh nebaraa' réh sebayang. Ka' ha' néh, O Tuhan, jian Ke' nebaraa' améé' sebayang barei' Yohanes nebaraa' irah éh bakéh néh rai, ha' néh.

LUKAS 11:39

Inah Tuhan pané ngan Néh, ka' ha' Néh, Pinaa' adet ka'ah kelunan Parisi pohéé' likot sawan ngan pigan, bang lem kenin keh pu'un buyuk ngan pinaa' arong kesa'at.

LUKAS 12:42

Ha' Tuhan mipa éh, Jian keh seruh, jin belah kekat kelunan sohoo' séé' éh tigéh ngan jam seruh maneu' kekat kereja' néh. Kelunan inah éh kevéléé' pengeja'au néh ke' néh petubo lamin néh ngan ke' néh mena' penguman ngan irah éh pata kelunan sohoo' tong jaka' réh kuman.

LUKAS 13:15

Ka' ha' Yésus mipa éh, O ka'ah éh ngelayoo' awah maneu' jian, tong dau Posot péh adang ka'ah pu'un ngelepu sapé' ngan keledai keh jin pagin néh dokoo' keh mihin éh tai baa'.

LUKAS 17:5

Ka' ha' irah lawah Yésus ngan Néh, Ko' pepit pengelan améé', ha' réh.

LUKAS 17:6

Boh Yésus pané ngan réh kepéh, ka' ha' Néh, Barei' tulin buaa' kayeu' sesawi éh si'ik mu'un bang pelén néh éh pu'un dalem néh inah éh mihin éh omok murip. Kenat péh na' péh éh si'ik awah, hun pengelan keh pu'un mu'un, adang keh omok nyohoo' inan ara inah pavut jin pu'un néh inah ngan mulah éh kepéh tong baa' banget, adang inan ara inah omok kivu sohoo' keh kenat, ha' Néh.

LUKAS 18:6

Ka' ha' Yésus kepéh, Jian keh seruh jian-jian tong ha' lakei' éh sa'at nah, hun néh betéé' kenat uban néh leko irah éh liwet-liwet tavin éh awah,

LUKAS 19:8

La'ah nekedéng Sakheus ke' néh bara' ngan Tuhan, ka' ha' néh, O lakei' ja'au, akeu' juk petulat kekat livah ké' pekua' kekat éh anah ké', kenat péh éh nena' ké' ngan kelunan kari. Inah kepéh akeu' juk mena' éh pat kekat tulat ngan kelunan éh jalan ké' kenyo ngan alaa' livah néh awah rai, ha' néh.

LUKAS 22:61

Boh Tuhan pupah kepuh Péterus, tioo tesen Péterus tong ha' Tuhan hun Néh bara' ka' ngan néh ri', Bé' jak iap sakui ngelangéé' adang pu'un ka'au' ngaken akeu' teleu' koléé', ha' ri'.

LUKAS 24:3

Boh réh masek lem tanem inah bang patai Yésus nah bé' pu'un éh sinah ta'an réh kepéh.

LUKAS 24:34

Boh irah pinaa' nah bara' ngan roh, ka' ha' réh, Adang Yésus lepah betéé' murip, pu'un Simon na'at Éh tenéh, ha' réh.

LUKAS 7:12

Hun réh avéé' tong leboo' inah, selalang réh ngan kelunan jin leboo' inah éh mihin patai lakei' lemanai ke' réh juk nanem éh. Lakei' lemanai' inah jah awah éh ngan tinen néh baleu'. La'ah pinaa' kelunan jin leboo' inah tai kivu redo baleu' nah tai tanem néh.

LUKAS 7:14

Boh Yésus tai tepih tong patai inah ke' Néh ngamit éh. Kelunan éh mihin éh nah mokoo' pekena éh, boh Yésus pané kepéh. Ka' ha' Néh, O lakei' lemanai, Akeu' nyohoo' ke' betéé', betéé' ke', ha' Néh.

LUKAS 7:19

Inah Yohanes tebai duah usah jin belah irah éh kivu éh ke' néh nyohoo' réh tai neteng Tuhan hun néh mu'un Iah éh pejajii' Allah juk tuai rai, ngan hun néh tekep réh mena kelunan éh jah kepéh.

LUKAS 8:52

Kekat kelunan tong lamin éh jalan anak inah, mangaa' ngan ngelumo péh. Boh Yésus pané ngan réh, Mai keh mangaa', bé' anak inah matai ne', pegen awah ine', ha' Néh ngan réh.

YOHANES 11:2

Meriam nah éh mosoo' anyuu' éh jian ba'oo' tong gem Yésus ngan mitit éh kepéh palaa' bok néh rai. Laserus éh sakit nah padéé' néh.

YOHANES 11:3

Rawah redo inah nyohoo' kelunan tai bara' éh ngan Yésus, ka' ha' réh, O Tuhan, sakit lakei' éh bakéh Ko' rai ne', ha' réh.

YOHANES 20:13

Ka' ha' rawah ngan Meriam, O redo, kineu' ke' mangaa' kenat, ha' roh. Ka' ha' Meriam mipa roh, Pu'un réh alaa' patai Tuhan ngan bé' ku' jam semah Éh nodoo' réh kepéh, ha' néh.

YOHANES 20:15

Ka' ha' Yésus ngan néh, O redo, kineu' ke' mangaa' kenat. Séé' éh penitah ko', ha' Néh. Kelem Meriam Yésus nah iah kelunan éh mihau pulah awah, kenat éh bara' ngan néh, ka' ha' néh, O lakei' ja'au, hun ko' alaa' Éh, jian ke' bara' éh semah Éh nodoo' ko' kepéh, ke' ké' omok tai alaa' Éh, ha' néh.

YOHANES 4:1

La'ah irah Yahudi éh kivu adet Parisi jam irah éh kivu Yésus ngan éh benatis Néh, pinaa' mu'un réh jin irah éh kivu Yohanes ngan éh benatis Yohanes nah.

YOHANES 6:23

Pu'un alut kepéh sinah éh déhéé' tana' jalan kelunan pinaa' nah kuman hun Yésus sebayang bara' jian kenin ngan Allah rai, bang alut inah anah kelunan éh jah, éh tuai jin leboo' Tiberias.

1 KORINTUS 7:30

Kelunan éh mangaa' ngan besau kenin, mai éh ngelinguh lem kebesau néh kenat, bang jian éh barei' hun néh bé' besau. Kenat péh kelunan éh mala', mai éh telalau ngan ngida awah. Kenat péh kelunan éh melih livah, mai éh telalau seruh tong livah inah awah.

1 TESALONIKA 4:13

O kekat padéé' ké', améé' keloo' ka'ah jam tong irah éh lepah matai, dokoo' mai ka'ah pelasam kenin barei' kelunan éh bé' ngelan.

IBRANI 2:17

Adang néh tekep Yésus paléu kelunan pekua' kekat padéé' Néh dalem kekat ineu'-ineu' péh. Dokoo' Iah omok Imam éh pengeja'au kekat imam éh tigéh ngan pu'un penika. Neu' penganeu' Néh inah penyala' kelunan omok pega'.

IBRANI 4:15

Bé' lu' pu'un Imam éh pengeja'au kekat imam éh bé' jam pika lu' ngan éh bé' nesen tong kekat pengelemoo' lu' bang Imam éh pengeja'au kekat imam lu' lepah teneng penupat lem kekat ineu'-ineu' péh, pekua' uleu' iteu', bang bé' éh maneu' penyala'.