LUKAS 6:49 - Rengah Jian

⁴⁹ Bang kelunan éh menéng ha' Ké' bang bé' iah kivu éh, inah éh pekua' ha' tapan tong kelunan éh maneu' lamin tong tana' awah ngan bé' pu'un lihei' néh reken. La'ah avéé' baa' ja'au nesung lamin inah, tioo kuba' lamin inah ngan petegarai mu'un-mu'un la'ah éh, ha' Néh.

LUKAS 6:49 Iomraidhean Croise

MATIUS 23:3

Uban néh kenat jian keh mihau ngan kivu kekat ha' tebaraa' réh, bang mai keh kivu barék réh uban bé' irah maneu' pekua' éh sohoo' réh ngan irah éh jah.

MATIUS 24:10

La'ah tovoo' inah pinaa' kelunan éh bé' petem pengelan réh. Pu'un réh penalo réh ngan ngeleko kelunan.

MARKUS 4:17

Bang bé' ha' tebaraa' inah masek lem lepok kenin réh mu'un, hun mah penusah ngan pengeketa pu'un teneng tong réh, bé' réh omok ngeretep, pengeketa inah pu'un, uban ha' tebaraa' inah. Irah tioo bet ha' tebaraa' inah uban néh bé' ngelakat lem kenin réh,

LUKAS 12:47

La'ah kelunan sohoo' éh lepah jam tong kekat sohoo' pengeja'au néh, bang bé' iah kivu pekua' éh sohoo' pengeja'au néh, iah pu'un teneng ukum, ukum néh inah éh pinaa' koléé' réh mipok éh.

LUKAS 19:14

Irah kelunan éh pohoo' néh leko éh, inah irah nyohoo' kelunan éh jah tai pané ngan néh, ka' ha' réh, Bé' améé' keloo' ka'au' pengeja'au mé', ha' réh.

LUKAS 19:27

Inah la'ah tong irah ayau ké' rai éh bé' keloo' Akeu' pu'un pengeja'au réh, jian keh mihin réh tuai ngan mematai réh tong jumen ké' siteu', ha' néh ngan réh.

LUKAS 6:46

Ha' Yésus kepéh, Uban ineu' keh bara' Akeu' Tuhan keh hun keh bé' kivu sohoo' ké'?

LUKAS 6:48

Kelunan éh maneu' lamin inah pu'un éh mekot tana' dilem ke' néh mejek kekat lihei' néh tong bateu'. La'ah avéé' baa' ja'au nesung lamin inah, bang bé' lamin inah gusii' uban penyuai néh pu'un reken tong bateu'.

LUKAS 7:1

La'o Yésus bara' kekat ha' tebaraa' Néh inah ngan kelunan pinaa', lakau Éh kepéh tai leboo' Kapernaum.

YOHANES 15:2

Kekat paka' néh éh bé' ngebuaa', nebet Néh awah éh, ngan kekat paka' éh ngebuaa', netoo' néh éh ke' néh omok jian urip ngan ngebuaa' kepéh.

PENGANEU' LAWAH 20:29

La'ah akeu' jam la'o ké' piso, pu'un kuraa' kelunan éh barei' bekuleu' éh luvaa' masek belah keh kepéh. Bé' réh jam pika domba Tuhan inah.

PENGANEU' LAWAH 26:11

Pinaa' koléé' ku' peketa réh tong lamin sebayang Yahudi, dokoo' ké' punyat kenin réh ngan mega' réh jin pengelan réh tong Yésus. Uban ké' merek mu'un ngan réh, pu'un ku' tai avéé' tong tana' éh jah éh juu', dokoo' ké' peketa réh sitai kepéh. Kenat ha' Paulus pané ngan Agripa.

1 TESALONIKA 3:5

Uban kenat akeu' nyohoo' Timotius tai tavin keh, dokoo' ké' omok jam tong pengelan keh tong Kristus, éh kemapah ké' dai Sitan pu'un tupat ka'ah ngan kekat kereja' mé' belah ka'ah rai pu'un tuyah-tuyah awah.

2 PÉTERUS 2:20

Kelunan éh jam Tuhan ngan Éh purip lu' Yésus Kristus, lepah pelepu jin penyukat tana' iteu' éh ngesegit kelunan. Bang hun jin la'o inah irah keripen kepéh ngan sopéé' neu' kekat penyukat inah, urip réh pelapah sa'at kepéh jin hun réh bé' jak jam Kristus.

1 YOHANES 2:19

Kekat kelunan inah bé' réh pekua' kenin ngan lu', kenat péh irah piso jin uleu'. Hun réh pu'un pekua' kenin ngan lu', adang irah petem pemung ngan lu'. Irah nelana' réh tengéé' mu'un kenin ngan uleu' uban réh piso jin uleu'.