LUKAS 6:47 - Rengah Jian

⁴⁷ Siget-siget kelunan éh tuai tavin Akeu' ngan menéng ha' ké' ngan kivu éh kepéh, irah inah teneng barei' ha' tapan tong kelunan éh maneu' lamin.

LUKAS 6:47 Iomraidhean Croise

MATIUS 12:50

uban séé'-séé' éh kivu pengeloo' Tamen Ké' tong seruga, kelunan inah éh padéé' Ké' jian péh éh lakei' ngan jian péh éh padéé' Ké' redo kenat péh éh tinen Ké', ha' Yésus ngan réh.

MATIUS 17:5

Tovoo' néh pané kenat pu'un jah avun éh mening lihep tong réh, ngan pu'un jah ha' éh nenéng réh jin avun inah, ka' ha' néh, Iteu' éh Anak Ké' éh kemurung Ké', payoo' mu'un kenin Ké' tong Néh, jian keh menéng ha' Néh. Kenat ha' jin lem avun inah.

LUKAS 11:28

Ha' Yésus mipa éh, Oo', mu'un éh kenat, bang pelapah murung kepéh irah éh menéng ha' Allah ngan kivu éh, ha' Néh.

LUKAS 14:26

Kelunan séé'-séé' éh juk tuai bakéh ké', hun néh bé' leko tong tamen tinen néh, ngan leko tong redo néh, ngan tong anak néh, ngan tong padéé' néh lakei' ngan padéé' néh redo péh, kenat péh tong urip néh, adang néh bé' omok bakéh Ké'.

LUKAS 6:48

Kelunan éh maneu' lamin inah pu'un éh mekot tana' dilem ke' néh mejek kekat lihei' néh tong bateu'. La'ah avéé' baa' ja'au nesung lamin inah, bang bé' lamin inah gusii' uban penyuai néh pu'un reken tong bateu'.

LUKAS 8:13

Tulin éh pelohoo' tong bateu' ja'au éh pu'un tana' si'ik awah tong néh nah, inah éh kelunan éh lepah menéng ha' tebaraa' Tuhan, laho réh alaa' éh ngan jian kenin, bang bé' iteu' masek lem lepok kenin réh. Pu'un réh ngelan bang metok awah éh, hun tenupat ngan sioo' penusah, pu'un réh moléé' murin kepéh jin pengelan réh.

LUKAS 8:8

La'ah pu'un jelua' tulin pelohoo' tong tana' jian, éh tong tana' jian nah, nyekaa' éh pah avéé' néh ngebuaa', hun néh ngebuaa' kebit pungun parai nah ngan pinaa' buaa' néh kepéh. Kelunan éh pu'un kelingen, jian éh menéng éh mu'un, ha' Yésus ngan réh.

YOHANES 10:27

Kekat domba Ké' jam réh menéng ha' Ké', ngan Akeu' péh jam irah ngan irah pu'un kivu Akeu'.

YOHANES 13:17

Hun iteu' kejam keh éh kenat, hun keh pu'un kivu ngan maneu' éh kenat, boh keh pu'un murung mu'un.

YOHANES 14:15

Ka' ha' Yésus kepéh, Hun keh murung Akeu', adang keh pu'un kivu kekat sohoo' Ké'.

YOHANES 5:40

na' péh kenat, bé' keh keloo' tavin Akeu' dokoo' keh omok alaa' urip, ha' Néh.

YOHANES 6:35

Ka' ha' Yésus ngan réh kepéh, Akeu' iteu' ka'an éh purip kelunan, séé'-séé' éh tuai tavin Akeu', bé' éh jam la'au' kepéh, ngan séé'-séé' éh ngelan tong Akeu', bé' éh jam mapeu' batok kepéh, ha' Néh.

YOHANES 6:37

Siget kelunan éh nena' Tamen Ké' ngan Ké', adang néh pu'un tuai tavin Akeu', ngan séé'-séé' éh tuai tavin Akeu', bé' Akeu' bet éh.

YOHANES 8:52

Ka' ha' irah Yahudi kepéh, Nah, hun iteu' kejam mé' mu'un, Ka'au nasek balei'. Abraham ngan irah Nabi Tuhan, pu'un réh lepah matai, bang ha' Ko' nah, séé'-séé' éh mihau ha' tebaraa' Ké' bé' éh omok matai.

IBRANI 5:9

Uban néh kenat jin la'o Iah lepah sukup mu'un, Iah ke' éh jalan alaa' urip éh pelinguh tulat kekat kelunan éh tigéh tong Néh.

YAKUB 4:17

Uban kenat, séé'-séé' éh jam maneu' jian bang bé' éh maneu' éh, kivu éh tekep naneu' néh, kelunan inah penyala'.

1 PÉTERUS 2:4

Jian keh tuai tavin Tuhan, Iah bateu' éh murip, Bateu' inah nebet kelunan uban réh seruh éh bé' jian, bang Allah éh ngevéléé' Iah ngan ngajung Éh.

2 PÉTERUS 1:10

Uban néh kenat o kekat padéé' ké', jian keh mekat pekalai dokoo' pekelenaa', ka'ah éh tenebai Allah ngan éh kevéléé' Néh. Hun keh maneu' kenat, bé' keh peleraa' jin pengelan keh kepéh.

1 YOHANES 2:29

La'ah ka'ah jam Kristus maneu' pengeloo Allah. Uban néh kenat ka'ah jam siget-siget usah éh maneu' pengeloo' Allah Iah néh anak Allah.

1 YOHANES 3:7

O kekat anak ké', mai keh lavo', kelunan éh kivu pengeloo' Tuhan iah éh anak Allah barei' Kristus.

ÉH POLÉNG 22:14

La'ah murung kenin irah éh poo' pakai réh ngan maneu' éh ni'ai. Irah omok kuman buaa' kayeu' éh mena' urip ngan kelunan, ngan omok masek lem leboo' inah jin usit néh.