LUKAS 6:45 - Rengah Jian

⁴⁵ Kelunan éh jian iah maneu' jian uban kenin néh pu'un jian. Kelunan éh sa'at iah maneu' sa'at uban kenin néh pu'un sa'at. Pekua' éh pu'un dalem kenin kelunan, kenat péh ha' ané néh kepéh, ha' Yésus.

LUKAS 6:45 Iomraidhean Croise

YOHANES 7:38

Séé'-séé' éh ngelan tong Akeu', iah pu'un barei' jah anak baa' éh bé' omok metei', pu'un baa' éh purip musit jin kenin néh pekua' ha' lem surat Allah éh pu'un bara' éh, ha' Néh.

PENGANEU' LAWAH 5:3

La'ah ka' ha' Péterus ngan néh, O Ananias, uban ineu' ke' kejeraa' Sitan masek lem kenin ko', ke' ko' kenyo ngan Sahéé' Ni'ai, ngan modoo' jelua' rigit éh nalaa' ko' jin tana' inah ri'?

ÉPESUS 3:8

La'ah na' péh akeu' pelapah si'ik jin kekat irah éh jah éh anah Allah, dalem penika Néh Iah kejeraa' akeu' bara' ngan kelunan éh tengéé' pohoo' tong pengejian Kristus éh pelapah jian jin éh omok benara' lu'.

ÉPESUS 4:29

Mai keh sa'at ha' ané, bang jian keh pané tong kekat éh omok ngegahang ngan ngereken kenin kelunan, dokoo' keh omok nolong irah éh menéng ha' keh inah.

ÉPESUS 5:19

Jian keh petebaraa' ha' jin lem Surat Masmur éh omok mihin keh mejing Tuhan, ngan nyanyi dalem Sahéé', jian keh nyanyi mejing Tuhan lem kenin keh.

KOLOSÉ 3:16

Jian kekat tebaraa' Kristus dalem kekat kejian néh pu'un petem dalem kenin keh. Jian keh kua' petebaraa' ngan petesen siget-siget usah pah terah kekat pengejam keh. Jian keh nyanyi ha' nyanyi jin surat Masmur, nyanyi mejing Tuhan, ngan nyanyi éh ni'ai. Nyanyi mejing Tuhan Allah, bara' jian kenin keh ngan Néh.

KOLOSÉ 4:6

Jian kekat ha' ané keh ngelayau pu'un jian, éh mihin kenin kelunan keloo' menéng ha' keh, ngan jian keh seruh mipa siget-siget ha' réh éh neteng keh tong pengelan keh.

IBRANI 8:10

Bang hun iteu', iteu' néh jajii' éh juk neu' ké' ngan pohoo' Israel tong jaka' éh temurei' ha' Tuhan: Akeu' juk mulah ha' tebaraa' ké' lem penyeruh réh ngan nyurat éh lem kenin réh Akeu' omok Allah réh ngan Irah omok anah ké'.

YUDAS 1:15

Adang Iah petuneng kekat kelunan. Iah juk ngukum kelunan éh bé' ngelan uban penganeu' réh éh Sa'at ngan uban kekat ha' ané réh ngesa'at Tuhan!