LUKAS 6:30 - Rengah Jian

³⁰ Hun néh pu'un kelunan éh menyat livah ko', jian ke' mena' éh ngan néh, ngan hun pu'un kelunan éh alaa' livah ko', mai ke' menyat éh moléé' kepéh, jian ke' pika réh.

LUKAS 6:30 Iomraidhean Croise

MATIUS 18:35

La'ah ha' néh kepéh, Kenat péh penganeu' Tamen ké' tong seruga tong siget-siget usah keh hun keh bé' jam pika padéé' keh jin kenin keh mu'un, ha' néh.

MATIUS 5:39

Bang iteu' éh ha' Ké' ngan keh hun iteu', Mai keh mipa kesa'at kelunan éh ngesa'at keh. Hun kelunan pu'un tepap pinga keh saa' na'au', kejeraa' éh tepap jebila' kepéh.

MATIUS 6:12

La'ah jian ke' mega' kekat kesa'at améé' barei'-okoo' améé' mega' kesa'at irah éh pu'un ngesa'at améé'.

LUKAS 11:41

Jian keh mena' kekat éh pu'un lem sawan ngan pigan keh ngan kelunan kari, boh kekat inah pu'un mebéng, ha' Néh ngan réh.

LUKAS 12:33

Jian keh melih kekat livah keh, ngan kekat rigit éh nalaa' keh tong néh, jian keh mena' éh ngan kelunan kari. Jian keh alaa' bék éh bé' jam mupuk, inah éh pengekaya' tong seruga, pengekaya' inah bé' éh omok béé, uban kelunan nekau bé' éh omok tai sinah ngan nekau éh, kenat péh lipah, bé' éh omok kuman éh.

LUKAS 18:22

Hun Yésus menéng ha' néh pané kenat, boh éh bara' ngan néh kepéh, Jah awah la'ah éh tekep ke' maneu', jian ke' melih kekat livah éh anah ko' ngan mena' kekat rigit éh nalaa' ko' tong néh ngan kelunan kari, boh ke' pu'un pengekaya' tong seruga, la'o inah jian ke' tuai kivu Akeu', ha' Yésus ngan néh.

LUKAS 6:29

Hun pu'un kelunan éh tepap da'in ko', mai ke' maneu' éh kepéh, bang jian ke' mata sela' ko' kepéh ngan néh. Hun pu'un kelunan alaa' kerayung ko', jian ke' kejeraa' éh alaa' seput ko' kepéh.

LUKAS 6:31

Ineu' éh keneloo' keh naneu' kelunan éh jah tong ka'ah, jian keh maneu' éh kenat ngan réh.

LUKAS 6:38

Ineu' éh pu'un tong keh jian keh masi mena' éh ngan kelunan éh jah, boh Allah omok mena' éh pelapah ja'au kepéh pah avéé' néh mutaa' ngan keh. Pekua' jalan keh pu'un masi ngan pika kelunan éh jah, kenat péh Allah juk masi ngan pika keh kepéh, ha' Néh.

PENGANEU' LAWAH 20:35

Dalem kekat éh neu' ké' inah, inah akeu' bara' adang tekep lu' gahang kereja' nolong kelunan éh lemoo', uban pu'un Tuhan Yésus bara' ka', Kelunan éh mena' pelapah jian kenin néh jin irah éh alaa' éh, ha' Néh. Kenat ha' Paulus ngan kekat pengeja'au jin sidang Épesus.

2 KORINTUS 8:9

Ka'ah jam tong penika Yésus Kristus éh Tuhan lu', na' péh Iah kaya' mu'un bang uban Iah pika ka'ah Iah tuai paléu kari mu'un kepéh, dokoo' ka'ah omok kaya' neu' pengekari Néh.

ÉPESUS 4:28

Kelunan éh pu'un nekau lepah rai, mai éh nekau kepéh, bang jian éh kereja' dokoo' néh omok tagong usah néh ngan pu'un palaa' kepéh ke' Néh nolong kelunan éh kari mu'un.