LUKAS 6:27 - Rengah Jian

²⁷ Ka' ha' Yésus kepéh, Bang inah ha' Ké' ngan kekat ka'ah éh omok menéng. Jian ke' pika irah éh leko ke', ngan maneu' jian ngan kelunan éh sa'at kenin ngan ko'.

LUKAS 6:27 Iomraidhean Croise

MARKUS 4:24

Yésus bara' kepéh ngan réh, Seruh keh jian-jian tong kekat éh nenéng keh. Pekua' jalan keh petuneng irah éh jah, barei' inah ke' jalan Allah petuneng keh kepéh, ngan ukum keh neu' Néh pelapah bahat.

LUKAS 23:34

La'ah Yésus sebayang ngan Tamen Néh, ka' ha' Néh, O Tamen, jian Ke' pika irah uban bé' irah nesen tong penganeu' réh kenat, ha' Néh. Boh irah nyunga' bateu' dokoo' réh petulat pakai Yésus nah.

LUKAS 6:22

Murung kenin keh hun kelunan ngeleko keh, musat keh, peja' ngan ngesa'at ngaran keh uban neu' Anak Kelunan.

LUKAS 6:35

Bang inah éh tekep, jian ke' pika irah éh leko ke' ngan maneu' jian ngan réh, ngan pekeliwah livah ngan réh ngan bé' makat uban ko' seruh omok alaa' éh mutaa' kepéh jin réh. La'ah ja'au mu'un oléé' néh ngan ko', la'ah ka'au' omok anak Allah éh Matek Bau, uban néh pu'un masi kelunan éh sevahau' ke' awah, ngan kelunan éh sa'at péh.

LUKAS 8:15

Tulin éh pelohoo' tong tana' jian nah, inah éh kelunan éh lepah menéng ha' tebaraa' Tuhan ngan mihau éh mu'un lem kenin réh ngan kivu éh kepéh, pah avéé' réh ngebuaa' kepéh, ha' Yésus ngan réh.

LUKAS 8:18

La'ah uban néh kenat jian keh menéng ngan seruh mu'un, kelunan éh pu'un, inah ke' éh juk pepit kepéh, ngan kelunan éh bé' pu'un ineu'-ineu' bang iah ngioo' awah pu'un éh, éh kenioo' néh pu'un inah juk pega' kepéh jin iah, ha' Néh.

LUKAS 8:8

La'ah pu'un jelua' tulin pelohoo' tong tana' jian, éh tong tana' jian nah, nyekaa' éh pah avéé' néh ngebuaa', hun néh ngebuaa' kebit pungun parai nah ngan pinaa' buaa' néh kepéh. Kelunan éh pu'un kelingen, jian éh menéng éh mu'un, ha' Yésus ngan réh.

PENGANEU' LAWAH 10:38

Pu'un keh jam kepéh Allah mena' Sahéé' Ni'ai ngan penyukat Néh ngan Yésus. Pu'un Yésus lakau semah-semah péh ke' Néh nolong kelunan ngan ngelepu irah éh keripen Sitan, uban Allah pu'un ngan néh.

PENGANEU' LAWAH 16:28

Bang Paulus bika' ngan ja'au ha', ka' ha' néh, Mai ke' mematai ka'au' ke', uban kekat améé' béé to de' ke' siteu', ha' néh.

PENGANEU' LAWAH 7:60

Iah ngejekuu' lep néh ngan sebayang kepéh ngan ja'au ha', ka' ha' néh, O Tuhan, mai ke' mihau penyala' irah iteu', ha' néh. La'o néh sebayang kenat béé laset néh.

GALATIA 6:10

Uban néh kenat siget koléé' hun lu' na'at kelunan lem penusah néh, tekep lu' nolong réh, makin péh ngan kekat padéé' lu' éh ngelan tong Tuhan.

1 TESALONIKA 5:15

Mai pu'un jah usah péh nyulei' kesa'at ngan kesa'at, bang jian keh ngelayau pekua' maneu' jian ngan nolong kekat kelunan.

3 YOHANES 1:11

Bakéh éh kemurung ké' mai ke' nyavuu' barék éh sa'at, tekep ke' nyavuu' barék éh jian. Séé'-séé' éh maneu' jian, iah éh anak Allah ngan séé'-séé' éh maneu' sa'at, bé' jak iah jam Allah.