LUKAS 5:8 - Rengah Jian

⁸ Hun Simon Péterus na'at éh kenat, iah ngejekuu' lep néh tong jumen Yésus, ha' néh, O Tuhan, piso ke' jin akeu' uban akeu' kelunan penyala' awah, ha' néh.

LUKAS 5:8 Iomraidhean Croise

MATIUS 17:6

Hun irah bakéh Néh menéng ha' inah, medai mu'un-mu'un réh, kuba' réh tong tana'.

MATIUS 2:11

La'ah masek réh tong lamin jalan Anak si'ik nah, sinah réh na'at éh ngan tinen Néh Meriam. Irah ngejekuu' lep réh ke' réh seva' Anak inah, boh réh muaa' kekat Pengena' réh ngan Néh, kekat pengena' réh ngan Néh, inah éh mas, kemenyan ngan mur éh barei' ingau rai.

MATIUS 8:8

Bang ha' pengeja'au nah, Mai ke' tuai makat da', bé' tekep akeu' mihin ke' tai lamin ké'. Jian ke' pané awah, neu' ha' ko' awah péh kelunan sohoo' ké' inah omok éh ma'o.

LUKAS 5:7

Pelapah irah ngawet bakéh réh éh lem jah alut nah, tebai réh tuai nya'ap réh. La'ah duah alut inah penoo' mu'un neu' seluang danii' éh juk kaham.

LUKAS 5:9

Iah pané kenat uban néh béé kenin na'at kekat seluang éh nalaa' réh iri', kenat péh kekat irah éh jah tong alut inah béé kenin réh.

YOHANES 11:32

Hun Meriam avéé' tong retek Yésus pu'un mokoo', tioo ngejekuu' lep éh déhéé' gem Néh, ka' ha' néh, O Guru, hun Ko' pu'un siteu' ri' bé' padéé' ké' nah matai, ha' néh.

1 KORINTUS 13:12

Uban hun iteu' bé' jak lu' jam mu'un tong Allah, uleu' pu'un barei' hun lu' na'at usah lu' lem pengada, bé' éh poléng mu'un, bang temurei' kepéh omok lu' jam éh ngan lenaa' mu'un. La'ah hun iteu' pengejam ké' bé' éh sukup mu'un, bang temurei' kepéh omok akeu' jam éh lenaa' mu'un, pekua' Tuhan jam tong kenin ké' hun iteu'.

ÉH POLÉNG 1:17

Hun ké' na'at Éh, akeu' mohong déhéé' gem Néh, barei' kelunan éh lepah matai. Bang ojoo' Néh saa' na'au' napai Néh tong akeu' ka' ha' Néh ngan ké' Mai ke' medai Akeu' éh bu'un ngan Akeu' éh ga' péh.