LUKAS 5:33 - Rengah Jian

³³ La'ah pu'un kelunan éh bara' ngan Yésus, ka' ha' réh, Irah éh kivu Yohanes Batis, pinaa' koléé' réh kelaset awah ngan sebayang, kenat péh irah éh kivu adet Parisi, bang irah bakéh Ko' bé' réh kelaset, ha' réh.

LUKAS 5:33 Iomraidhean Croise

MATIUS 23:13

La'ah ha' Yésus maneu' irah Parisi, ka' ha' néh, Pika ka'ah guru éh nebaraa' tong sohoo' lem Surat Musa, kenat péh ngan ka'ah éh kivu adet Parisi, adang keh pu'un tusah mu'un uban keh ngelayoo' awah sebayang. Inah kepéh, hun kelunan éh jah pitah jalan juk alaa' Allah Pengeja'au réh, ka'ah pu'un mapat jalan réh. Usah keh tengéé' bé' keloo' tai lem nihau Allah, hun irah éh jah juk tai, pu'un keh meta' réh, ha' néh.

MARKUS 12:40

Pu'un réh ngebuyuk irah redo baleu' ngan alaa' kekat livah réh, kenat péh réh ngelayoo' awah réh maneu' jian neu' réh kebit ha'sebayang. Ukum réh pu'un pelapah bahat jin ukum irah éh jah, ha' Yésus ngan réh.

LUKAS 11:1

Jah koléé' tovoo' Yésus sebayang tong jah jalan, la'o Néh sebayang nah, inah jah bakéh Néh nyohoo' Éh nebaraa' réh sebayang. Ka' ha' néh, O Tuhan, jian Ke' nebaraa' améé' sebayang barei' Yohanes nebaraa' irah éh bakéh néh rai, ha' néh.

LUKAS 18:12

Siget migu duah koléé' ku' kelaset awah, tong kekat ineu'-ineu' éh nalaa' ké', pu'un ku' ngelayau mena' tulat poloo' ngan ko', ha' kelunan éh kivu adet Parisi nah.

LUKAS 2:37

la'o inah baleu' éh avéé' ayah poloo' pat ta'un. Mokoo' tengéé' éh tong Umaa' Allah. Siget dau ngan siget merem iah seva' Allah, ngan kelaset awah ke' néh sebayang.

LUKAS 20:47

Pu'un réh ngebuyuk irah redo baleu' ngan alaa' livah réh awah, la'o inah kenat péh réh ngelayoo' awah maneu' jian neu' réh kebit ha' sebayang. Ukum irah inah pelapah bahat jin ukum irah éh jah, ha' Yésus nah.

LUKAS 5:32

Bé' Akeu' tuai tong tana' iteu' Ké' tebai kelunan éh seruh iah kelunan éh jian, bang Akeu' tuai ke' Ké' tebai kelunan penyala' dokoo' réh omok piso jin penyala' réh, ha' Néh.

LUKAS 5:34

La'ah ha' Yésus mipa réh, Hun pu'un lakei' éh juk kawin, kineu', omok keh nyohoo' bakéh néh kelaset awah hun lakei' inah to de' ke' ngan réh kei? Bé' réh keloo' kelaset awah.

YOHANES 1:35

La'ah jah dau la'o inah kepéh, Yohanes pu'un sinah pemung ngan duah usah bakéh néh.

YOHANES 3:25

La'ah jelua irah bakéh Yésus paneu' ngan jah kelunan Yahudi tong adet réh peti'ai.

PENGANEU' LAWAH 9:11

Ka' ha' Tuhan ngan néh kepéh, jian ke' lakau tai jalan totoo', ngaran jalan inah, Jalan Pejek, masek tong lamin Yudas pitah jah kelunan ngaran néh Saulus éh pu'un jin leboo' Tarsus. Hun iteu' pu'un éh sebayang,