LUKAS 5:32 - Rengah Jian

³² Bé' Akeu' tuai tong tana' iteu' Ké' tebai kelunan éh seruh iah kelunan éh jian, bang Akeu' tuai ke' Ké' tebai kelunan penyala' dokoo' réh omok piso jin penyala' réh, ha' Néh.

LUKAS 5:32 Iomraidhean Croise

MATIUS 18:10

Ha' Yésus kepéh, Mai keh muau irah anak si'ik. Akeu' bara' ngan keh, meliket réh éh tong seruga ngelayau réh pu'un tong jumen Tamen ké' tong seruga.

MATIUS 9:13

Jian keh tai ngan seruh tong sin ha' lem surat Allah éh bara' ka', Bé' akeu' keloo' keh mematai ka'an dokoo' seva' Akeu', bang Akeu' keloo' keh pika kelunan, ha' néh. Bé' Akeu' tuai dokoo' tebai kelunan éh seruh iah éh kelunan éh jian, bang Akeu' tuai dokoo' tebai kelunan éh seruh iah éh kelunan éh sa'at, ha' néh.

MARKUS 15:10

Kejam néh irah pengeja'au imam mena' Yésus ngan néh nah uban irah nyelepéé' kenin awah.

MARKUS 15:7

La'ah pu'un jah kelunan tong lamin tutup nah ngaran néh Barabas, iah pu'un pemung ngan irah éh mematai kelunan tovoo' réh betéé' kenin pekayau rai.

MARKUS 2:17

Pu'un Yésus menéng ha' réh pané kenat, boh Éh mipa ha' réh, ka' ha' Néh. Kelunan éh bé' pu'un kesakit bé' éh tai nawan, bang kelunan éh sakit éh tai nawan. Bé' Ku' tuai tong tana' iteu' Ké' tebai kelunan éh seruh iah éh kelunan éh jian, bang Akeu' tuai ke' Ké' tebai kelunan éh seruh iah éh kelunan sa'at, ha' Néh.

LUKAS 15:10

Kenat péh kekat meliket Allah murung mu'un réh tong jah kelunan penyala' éh pekoléé' kenin, ha' Yésus.

LUKAS 15:7

Barei' inah kepéh hun pu'un jah usah éh sa'at éh piso jin penyala' néh, murung mu'un réh tong seruga, pelapah ja'au jin kemurung réh tong pien poloo' pien kelunan jian, éh bé' pu'un maneu' éh tekep ke' néh pekoléé' kenin, ha' Yésus ngan réh.

LUKAS 19:10

Anak Kelunan tuai ke' Néh pitah ngan pepurip kekat kelunan éh tawang, ha' Néh.

LUKAS 24:47

Inah kepéh, dalem ngaran Néh rengah éh bara' tong jalan tekep kelunan piso jin penyala' réh dokoo' mega' penyala' réh, tekep éh benara' réh ngan kekat arong kelunan, éh bu'un néh tong Yérusalem.

LUKAS 5:31

Ha' Yésus mipa réh, Kelunan éh bé' sakit, bé' éh tai tavin kelunan éh nawan, bang kelunan éh sakit éh tai.

LUKAS 5:33

La'ah pu'un kelunan éh bara' ngan Yésus, ka' ha' réh, Irah éh kivu Yohanes Batis, pinaa' koléé' réh kelaset awah ngan sebayang, kenat péh irah éh kivu adet Parisi, bang irah bakéh Ko' bé' réh kelaset, ha' réh.

PENGANEU' LAWAH 17:30

Bé' Allah mihau kekat penganeu' kelunan hun réh bé' jam sahau ke' Néh ngukum réh, bang hun iteu' Iah nyohoo' kekat kelunan semah-semah péh piso jin kesa'at réh kepéh.

PENGANEU' LAWAH 2:38

Ka' ha' Péterus ngan réh, Jian siget-siget usah keh piso jin penyala' keh, ngan batis dalem ngaran Yésus Kristus dokoo' penyala' keh omok pega'. La'ah ka'ah omok alaa' Sahéé' Ni'ai éh pengena' Allah ngan lu'.

PENGANEU' LAWAH 20:21

Pu'un ku' nebaraa' pohoo' Yahudi ngan irah éh tengéé' pohoo' péh, nyohoo' réh piso jin kesa'at réh ngan tavin Allah ngan ngelan tong Tuhan Yésus Kristus.

PENGANEU' LAWAH 3:19

Uban néh kenat jian keh piso jin kesa'at keh ngan tavin Allah, jalan Néh mega' penyala' keh,

PENGANEU' LAWAH 3:26

Kenat péh Allah ngevéléé' Anak Néh ke' Anak inah tai ngan ka'ah tenah, dokoo' Néh mena' pengejian Néh ngan keh, neu' Néh mihin siget usah keh piso jin kekat kesa'at keh, ha' Péterus nah.

PENGANEU' LAWAH 5:31

Allah pu'un metéé' Éh saa' na'au' Néh ngan maneu' Éh Raja' ke' Néh omok purip kelunan dokoo' Néh maneu' jalan ngan pohoo' kelunan Yahudi ke' réh ngepaléu kenin réh ngan penyala' réh omok pega'.

2 PÉTERUS 3:9

La'ah bé' Tuhan tipa' maneu' kekat éh pejajii' Néh, na' péh jelua' kelunan seruh Tuhan tipa' maneu' éh, uban neu' Néh kebit kenin bé' Iah keloo' jah-jah usah péh matai lem penyala' néh, bang Iah keloo' kekat kelunan pekoléé' kenin jin penyala' réh.