LUKAS 5:27 - Rengah Jian

²⁷ La'o inah Yésus lakau kepéh, Iah na'at jah kelunan éh alaa' sukai, ngaran néh Lewi, iah mokoo' tong lamin éh jalan réh mena' sukai. Ha' Yésus ngan néh, Jian ke' kivu Akeu', ha' Néh.

LUKAS 5:27 Iomraidhean Croise

MATIUS 10:3

ngan Pilipus, ngan Bartolomeus, ngan Tomas, ngan Matius éh kereja' alaa' sukai rai, ngan Yakub anak Alpeus, ngan Tadius,

MATIUS 16:24

Boh Yésus bara' ngan irah bakéh néh, ha' néh, Hun pu'un séé'-séé' juk kivu Akeu', mai éh kivu pengeloo' néh tengéé', bang siget-siget dau jian éh alaa' salib néh tengéé' ke' néh kivu Akeu'.

MATIUS 8:22

Bang ha' Yésus ngan néh, Jian ke' kivu Akeu', kejeraa' irah jah éh mokoo' seleket matai nanem kelunan éh matai nah, ha' néh.

MARKUS 3:18

Pu'un kelunan kepéh ngaran réh Anderias, ngan Pilipus, Bartolomeus, Matius, Tomas, ngan Yakub anak Alpeus, Tadius, Simon kelunan jin Kana'an.

LUKAS 18:22

Hun Yésus menéng ha' néh pané kenat, boh éh bara' ngan néh kepéh, Jah awah la'ah éh tekep ke' maneu', jian ke' melih kekat livah éh anah ko' ngan mena' kekat rigit éh nalaa' ko' tong néh ngan kelunan kari, boh ke' pu'un pengekaya' tong seruga, la'o inah jian ke' tuai kivu Akeu', ha' Yésus ngan néh.

YOHANES 1:43

Tong jah dau éh jah kepéh, lakau Yésus tai tana' Galilia, lem pengelakau Néh nah, inah Éh temeu' ngan Pilipus. Ka' ha' Néh ngan Pilipus, Jian ke' kivu Akeu', ha' Néh.

YOHANES 12:26

Séé'-séé' éh juk maneu' kereja' Ké', jian éh kivu Akeu' mu'un, dokoo' semah-semah Akeu' pu'un, sinah ke' kelunan éh kivu sohoo' Ké' inah. Séé'-séé' éh maneu' kereja' Ké' kenat, Tamen Ké' ngajung éh, ha' Yésus ngan réh.