LUKAS 5:24 - Rengah Jian

²⁴ Bang Akeu' juk pekelenaa' éh ngan ka'ah adang Anak Kelunan pu'un penyukat tong tana' omok mega' penyala' kelunan, ha' Néh. Boh Éh pané ngan kelunan éh matai keluhat nah, ka' ha' Néh, Akeu' nyohoo' ke', ko' melen mak ko' nah, moléé' ke', ha' Néh.

LUKAS 5:24 Iomraidhean Croise

MATIUS 16:13

La'ah tai Yésus tong tana' tutuh leboo' Kaisarea Pilipi, sinah éh neteng irah bakéh néh, ka' ha' néh ngan réh, Kineu' Kunah irah séé' Anak Kelunan nah kunah? ha' néh.

MATIUS 25:31

Ha' Yésus kepéh, Hun Anak Kelunan tuai Raja' pemung ngan meliket Allah, boh Iah menyun tong nyun raja' dokoo' néh ngukum kekat kelunan.

MATIUS 26:64

Ha' Yésus mipa éh, Kenat néh éh. Bang inah Akeu' bara' ngan kekat ka'ah béé, jin la'o iteu' ka'ah pu'un na'at Anak Kelunan mokoo' saa' na'au' Allah éh Ja'au Penyukat ngan na'at éh kepéh hun néh tuai lem avun jin seruga, ha' néh.

MATIUS 28:18

Tuai Yésus déhéé' réh ke' néh bara' ka', Tamen Ké' pu'un mena' penyukat ngan Ké', kenat péh tong seruga, kenat péh tong tana' iteu'.

MATIUS 4:24

La'ah rengah néh inah avéé' pah tipo tana' Siria, pu'un réh mihin kekat kelunan éh sakit tavin éh, irah éh pu'un pinaa' arong kesakit, ngan irah éh nasek balei', ngan irah éh tuleu' ngan irah éh matai keluhat péh, pu'un éh peka'o réh béé.

MATIUS 9:6

Bang dokoo' ka'ah omok jam Anak Kelunan pu'un penyukat bet penyala', inah Iah pané kepéh ngan kelunan éh matai keluhat nah, ka' ha' néh, Betéé' ke' alaa' mak ko', moléé' ke', ha' néh.

LUKAS 5:13

Pelapah Yésus mapai ojoo' Néh tong lakei' inah, ha' Néh, Keloo' Ku' ke' ma'o, jian ke' ma'o jin kesakit ko' inah, ha' Néh. Tioo pega' kesakit kapéé' nah.

LUKAS 5:18

Tuai kelunan mihin jah lakei' éh matai keluhat jalan bisan. Pu'un réh pitah jalan ke' réh mihin éh tai tong lamin inah dokoo' réh pei' éh tong jumen Yésus.

LUKAS 5:23

Kineu' éh seneruh keh? Tekep ku' bara', Penyala' ko' lepah pega', ha' nah? Kineu', ha' ké' éh bara', Betéé' ke' lakau, ha' nah? Éh mah éh lumang kunah ka'ah?

LUKAS 7:14

Boh Yésus tai tepih tong patai inah ke' Néh ngamit éh. Kelunan éh mihin éh nah mokoo' pekena éh, boh Yésus pané kepéh. Ka' ha' Néh, O lakei' lemanai, Akeu' nyohoo' ke' betéé', betéé' ke', ha' Néh.

LUKAS 8:54

Inah Yésus tai ngamit ojoo' anak inah ngan pané ngan néh, ha' Néh, O anak, betéé' ke', ha' Néh.

YOHANES 11:43

Boh Yésus pané ngan ja'au ha', ka' ha' Néh, O Laserus, musit ke', ha' Néh.

YOHANES 17:2

Uban Ka'au maneu' Akeu' pengeja'au kekat kelunan dokoo' Ké' omok mena' urip pelinguh ngan kekat irah éh nena' Ko' ngan Ké'.

YOHANES 3:13

Bé' pu'un jah usah éh lepah mukat tai seruga bang Anak Kelunan éh pu'un tuai jin seruga, ha' Néh.

YOHANES 5:27

Pu'un Éh mena' penyukat Néh ngan Anak Néh dokoo' Néh omok ngukum réh, uban Anak Néh inah, Iah péh Anak Kelunan.

PENGANEU' LAWAH 14:10

Boh Paulus kepuh éh, ke' néh pané ngan néh ngan ja'au ha', ka' ha' néh, Jian ke' nekedéng pejek, ha' néh. Tioo betéé' éh ngan lakau.

PENGANEU' LAWAH 5:31

Allah pu'un metéé' Éh saa' na'au' Néh ngan maneu' Éh Raja' ke' Néh omok purip kelunan dokoo' Néh maneu' jalan ngan pohoo' kelunan Yahudi ke' réh ngepaléu kenin réh ngan penyala' réh omok pega'.

PENGANEU' LAWAH 9:34

La'ah ka' ha' Péterus ngan néh, O Aeneas, Yésus Kristus éh peka'o ke', betéé' ke', ko' melen mak ko' nah, ha' néh. Tioo betéé' lah éh.

PENGANEU' LAWAH 9:40

La'ah Péterus nyohoo' kekat kelunan musit jin lamin inah, boh éh ngejekuu' lep néh ngan sebayang, la'o inah pupah éh na'at patai redo inah, ka' ha' néh, O Tabita, betéé' ke', ha' néh. La'ah pekang maten redo inah, ngan hun néh na'at Péterus, pelapah menyun éh.

ÉH POLÉNG 1:13

Belah kekat pelita' inah nekedéng jah usah, layan Néh barei' kelunan, pu'un éh memakai livah pakai éh kebit avéé' tong gem Néh, ngan tong kebah Néh peseviget neu' mas.