LUKAS 5:22 - Rengah Jian

²² Kejam Yésus tong kekat kenin réh kenat, inah Iah bara' ngan réh, ha' Néh, Uban ineu' keh seruh éh kenat?

LUKAS 5:22 Iomraidhean Croise

MATIUS 12:15

Hun Yésus jam irah juk mematai éh, piso éh jin sinah. Pinaa' kelunan kivu éh. Pu'un éh peka'o kekat kelunan éh sakit,

MATIUS 12:25

La'ah Yésus jam kenin réh pané kenat, Iah bara' ngan réh ka', Hun pu'un kelunan tong jah tana' pekelawan belah irah ke', adang kekat irah inah béé pu'un matai. Kenat péh hun pu'un kelunan tong jah leboo' pekelawan belah irah ke', bé' réh pu'un leboo' kepéh. Kenat péh hun kelunan tong jah lamin pekelawan.

MATIUS 9:4

Yésus jam kekat éh seneruh réh, la'ah ha' néh, Uban ineu' keh seruh sa'at éh kenat?

MARKUS 8:17

Kejam Yésus irah pepané tong réh ngelepan mihin roti nah. Boh éh neteng réh, uban ineu' keh pinaa' pengané tong keh ngelepan mihin roti, ngan keh bara' bé' pu'un penguman. Kineu' keh, bé' keh jam, ngan bé' keh petavéé' kenin tong ha' ké' ri'. Kineu' keh, matek bé' keh omok seruh.

LUKAS 24:38

Boh Yésus bara' ngan réh ka', Kineu' keh medai ngan mujah kenin.

LUKAS 5:21

Boh irah guru nah ngan kelunan Parisi ngedalem Éh. Kelem réh, séé' péh kelunan iteu' éh pané ka' pesalut Allah? Bé' pu'un kelunan tong tana' éh omok mega' penyala' kelunan, Allah awah éh omok maneu' kenat, kelem réh.

LUKAS 5:23

Kineu' éh seneruh keh? Tekep ku' bara', Penyala' ko' lepah pega', ha' nah? Kineu', ha' ké' éh bara', Betéé' ke' lakau, ha' nah? Éh mah éh lumang kunah ka'ah?

PENGANEU' LAWAH 5:3

La'ah ka' ha' Péterus ngan néh, O Ananias, uban ineu' ke' kejeraa' Sitan masek lem kenin ko', ke' ko' kenyo ngan Sahéé' Ni'ai, ngan modoo' jelua' rigit éh nalaa' ko' jin tana' inah ri'?

IBRANI 4:12

Ha' tebaraa' Tuhan inah murip ngan pu'un penyukat, pelapah nyahit jin po'é éh peseripa nyahit. Ha' tebaraa' Tuhan inah masek dilem avéé' tong urip ngan sahéé' avéé' tong kekat bukun tulang ngan utek péh. Ha' tebaraa' Tuhan petuneng penyeruh ngan pengeloo' kenin kelunan.

ÉH POLÉNG 2:23

Akeu' péh juk mematai kekat irah éh kivu iah boh kekat sidang omok jam Akeu' éh jam lem penyeruh ngan kenin kelunan. Akeu' juk mena' oléé' ngan keh kivu penganeu' siget usah.