LUKAS 5:17 - Rengah Jian

¹⁷ Jah koléé' tovoo' Yésus nebaraa' kelunan, pu'un irah kelunan éh kivu adet Parisi ngan irah guru éh nebaraa' tong sohoo' lem Surat Musa, mokoo' ngan réh. Irah inah éh kivu adet Parisi ngan irah guru nah pu'un réh jin siget-siget leboo' tong tana' Galilia ngan Yudea, kenat péh jin leboo' Yérusalem. Penyukat Tuhan pu'un tong Yésus ke' néh omok peka'o kelunan sakit.

LUKAS 5:17 Iomraidhean Croise

MATIUS 11:5

Jian keh bara' ngan néh, kelunan éh peseu' omok réh na'at kepéh, irah éh paket omok réh lakau kepéh, irah éh kapéé' pu'un réh ma'o ngan lanyah kulit réh kepéh, irah éh rengen omok réh menéng kepéh, irah éh lepah matai omok réh murip kepéh, ngan Rengah Jian jin Allah benara' néh ngan kelunan kari.

MATIUS 15:1

La'ah pu'un kuraa' irah éh kivu adet Parisi ngan irah guru éh nebaraa' tong sohoo' lem Surat Musa, tuai jin Yérusalem tavin Yésus. Ka' ha' réh neteng Yésus,

MARKUS 1:45

Bang kelunan inah tai éh bara' rengah inah ngan kelunan semah-semah péh. Uban néh kenat bé' Yésus omok merah lakau tong leboo' éh pinaa' kepéh. Iah mokoo' tong tana' linek, bang kelunan jin kuraa' leboo' awah éh tai tavin éh sinah.

MARKUS 16:18

Hun réh ngamit torok ngan mesep ineu'-ineu' éh omok mematai réh, bé' réh pu'un matai, Hun réh mapai ojoo' réh tong kelunan sakit, kelunan sakit inah omok ma'o.

MARKUS 3:22

La'ah pu'un kuraa' guru éh nebaraa' tong Surat Musa tuai jin leboo' Yérusalem bara' Yésus nasek balei' Beelsebul, ngan Iah bet balei' palaa' kerenget sahéé' sa'at, ha' réh.

MARKUS 5:30

Tovoo' inah néh Yésus jam pu'un akam Néh, inah éh, Iah nesen pu'un kegahang néh lepah musit jin Iah, tioo pupah éh pané ngan irah pinaa' nah ka', séé' ngamit seput Ké' ri', ha' Néh.

MARKUS 7:1

La'ah kelunan Parisi ngan kuraa' guru' éh nebaraa' tong Surat Musa, pu'un réh tuai jin leboo' Yérusalem, petipun déhéé' Yésus.

LUKAS 15:2

Uban kelunan inah pu'un tai tavin Yésus kenat, inah kelunan Parisi ngan irah guru éh nebaraa' tong sohoo' lem Surat Musa selem-selem maneu' Yésus. Ka' ha' réh, Kelunan iteu' alaa' irah kelunan éh sa'at pah avéé' Néh pemung kuman ngan réh, ha' réh.

LUKAS 2:46

Tong keteleu' dau boh roh na'at éh tong Umaa' Allah, mokoo' ngan irah guru éh nebaraa' irah Yahudi tong adet réh, ke' Néh menéng ha' réh ngan ke' Néh neteng réh kepéh.

LUKAS 5:21

Boh irah guru nah ngan kelunan Parisi ngedalem Éh. Kelem réh, séé' péh kelunan iteu' éh pané ka' pesalut Allah? Bé' pu'un kelunan tong tana' éh omok mega' penyala' kelunan, Allah awah éh omok maneu' kenat, kelem réh.

LUKAS 5:30

Kelunan Parisi ngan irah guru éh nebaraa' tong Surat Musa, leko réh na'at éh kenat, boh réh pané ngan irah bakéh Yésus nah. Ha' réh, Uban ineu' ka'ah pelelong ngan kelunan éh alaa' sukai ngan kelunan penyala', ha' réh.

LUKAS 6:19

Kekat kelunan inah juk ngamit Éh uban Néh pu'un penyukat peka'o réh jin kekat arong kesakit réh.

LUKAS 7:30

Bang irah éh kivu adet Parisi ngan irah guru éh nebaraa' tong sohoo' lem Surat Musa, nebet réh awah kekat ha' Allah ngan éh pengeloo' Néh ngan réh, bé' réh keloo' benatis Yohanes.

LUKAS 8:46

Ha' Yésus kepéh, Pu'un jah kelunan ngamit ku' ri' de'. Akeu' jam éh pu'un kenat mu'un uban penyukat Ké' kejam Ké' éh pu'un peka'o kelunan éh ngamit Ku' nah, ha' Néh.

YOHANES 3:10

La'ah ka' ha' Yésus mipa éh, Kineu', ka'au' néh éh guru ja'au tong irah Yahudi, bang bé' ke' jam iteu' kei?

YOHANES 3:21

Bang séé'-séé' éh kivu pengeloo' Allah, keloo' réh tai tong rema, dokoo' rema inah omok pepoléng kekat penyuai néh pu'un éh pekua' pengeloo' Allah, ha' Yésus ngan réh.

PENGANEU' LAWAH 19:11

La'ah neu' penyukat Allah Paulus pu'un maneu' kuraa' penganeu' éh tejeu' ta'an réh,

PENGANEU' LAWAH 4:30

Jian Ke' pepoléng penyukat Ko' ngan peka'o kelunan sakit, ngan jian Ke' mena' penyukat Ko' ngan améé' dokoo' neu' ngaran Yésus éh Anak Ko' éh Ni'ai, omok améé' maneu' pinaa' arong penganeu' éh nojoo' penyukat Ko' ngan éh ngebéé kenin kelunan. Kenat ha' sebayang réh.

PENGANEU' LAWAH 5:34

Bang pu'un jah usah jin belah réh, ngaran néh Gamaliel, éh kivu adet Parisi, ngan éh nebaraa' réh tong sohoo' lem Surat Musa, ngan éh senepah kekat kelunan, pu'un éh nekedéng iah nyohoo' réh pepusit irah lawah iri' metok.