LUKAS 5:10 - Rengah Jian

¹⁰ Kenat péh bakéh Simon nah, Yakub rawah Yohanes éh anak Sabedeus, rawah péh béé kenin. Ha' Yésus ngan Simon, Mai ke' medai, jin la'o iteu' Akeu' juk maneu' ka'au' jam pitah kelunan kepéh, ha' Néh.

LUKAS 5:10 Iomraidhean Croise

MATIUS 13:47

Ha' Yésus kepéh, Jah ha' tapan éh bara' tong kelunan éh omok tai lem nihau Allah hun néh tuai Pengeja'au. Inah éh barei' kelunan éh tai ngejala'. Pinaa' arong seluang lem jala' inah.

MATIUS 14:27

Yésus tioo pané ngan réh, Mai keh medai, Akeu' itut de', ha' néh.

MATIUS 20:20

La'o inah tuai tinen Yakub rawah Yohanes éh anak Sabedeus, mihin rawah anak néh tavin Yésus. Pu'un éh ngejekuu' lep néh tong jumen Yésus ke' néh menyat éh kivu pekua' barei' sohoo' néh.

MATIUS 4:19

Ka' ha' Yésus ngan roh, Jian koh kivu Akeu', Akeu' nebaraa' koh tong jalan koh omok pitah kelunan éh tawang ngan mihin réh tavin Akeu', barei' kawah jam pitah seluang nah, ha' néh.

MATIUS 4:21

Lakau Yésus kepéh, inah Iah na'at duah kelunan éh jah kepéh éh pepadéé', Yakub rawah Yohanes éh anak Sabedeus. Rawah pu'un dalem alut petenup jala' roh pemung ngan tamen roh Sabedis. Yésus tebai rawah inah kepéh kivu éh.

MARKUS 1:17

Ka' ha' Yésus ngan roh, Jian koh kivu Akeu', boh Akeu' nebaraa' koh tong jalan koh omok pitah kelunan éh tawang ngan mihin réh tavin Akeu', ha' Néh.

LUKAS 5:7

Pelapah irah ngawet bakéh réh éh lem jah alut nah, tebai réh tuai nya'ap réh. La'ah duah alut inah penoo' mu'un neu' seluang danii' éh juk kaham.

LUKAS 5:9

Iah pané kenat uban néh béé kenin na'at kekat seluang éh nalaa' réh iri', kenat péh kekat irah éh jah tong alut inah béé kenin réh.

LUKAS 6:14

inah éh, Simon, Simon nah Yésus maneu' ngaran néh Péterus, ngan Anderias éh padéé' Simon nah, Yakub rawah Yohanes, Pilipus ngan Bartolomeus,

YOHANES 21:2

Simon Péterus ngan Tomas, éh keruwah ngaran néh Papin, ngan Natanael éh jin leboo' Kana tong tana' Galilia, ngan rawah anak Sabedeus, ngan duah usah kepéh éh bakéh Yésus, pu'un réh pemung béé.

PENGANEU' LAWAH 2:4

La'ah Sahéé' Ni'ai penoo' lem kenin réh, ke' réh omok pané dalem kuraa'-kuraa' arong ha', pekua' Sahéé' nah maneu' irah pané.

2 KORINTUS 8:23

Titus nah bakéh ké' éh kereja' pemung ngan ké' ke' néh nolong ka'ah. Pu'un duah usah padéé' éh tai pemung ngan néh sohoo' irah sidang siteu', ngan kereja' réh omok peparen Kristus.

2 TIMOTIUS 2:26

Boh réh omok nesen kesa'at réh ngan kelap jin viheu' Sitan éh mugun réh maneu' éh kivu pengeloo' néh.