LUKAS 5:1 - Rengah Jian

¹ La'ah jah koléé' Yésus nekedéng tong dirin baa' Banget Genesaret, tuai kelunan pinaa' nyikeu' Éh ke' réh juk menéng ha' tebaraa' Allah éh benara' Néh.

LUKAS 5:1 Iomraidhean Croise

MATIUS 11:12

Jin bu'un Yohanes Batis tuai rai pah avéé' dau iteu' péh, mekat mu'un kelunan ngelawan irah éh juk tai lem Pengihau Allah.

MATIUS 14:34

La'o réh papit baa' Banget nah, avéé' réh tong tana' Genesaret,

MARKUS 3:9

Uban réh pinaa' mu'un kenat, Iah nyohoo' irah éh bakéh néh petenup jah alut ngan Néh, dai kelunan pinaa' nah nyikeu' éh.

MARKUS 4:1

Jah koléé' kepéh Yésus nebaraa' kelunan déhéé' baa' Banget Galilia, matek pinaa' mu'un kelunan tai tavin Iah sinah, pah avéé' Yésus taket lem alut, boh Iah menyun lem alut nah. Alut inah pu'un lem lepok baa' Banget Galilia. Pinaa' mu'un-mu'un kelunan mokoo' tong dirin baa' banget nah.

MARKUS 5:24

Pu'un Yésus tai kivu éh, ketem kelunan pinaa' nah péh tai kivu Yésus, avéé' réh pesikeu' lah tong jalan inah.

MARKUS 6:53

La'ah irah papit baa' banget kepéh, tai tana' Genesaret.

LUKAS 12:1

La'ah pinaa' mu'un-mu'un kelunan petipun, ngan pesikeu' réh pah avéé' réh petejat, inah Yésus pané palaa' ha' tapan ngan irah éh bakéh Néh. Ka' ha' Néh, Jian keh mavaa' usah keh jian-jian jin tawan pekevat, tawan inah tapan tong kelunan Parisi éh ngelayoo' awah sebayang.

LUKAS 5:2

Tong dirin baa' inah pu'un duah alut. Kelunan jin alut inah lepah tai mohéé' jala'.

LUKAS 8:22

Jah dau Yésus ngan irah bakéh Néh tai lem alut. Ha' Yésus ngan réh, Jian tam papit saa' dipa baa' banget nah, ha' Néh.

LUKAS 8:23

Boh réh peleka tai papit baa' nah. Lem réh lakau nah inah Yésus pegen lem alut nah. Lem Yésus nah pegen, tuai kepu gahang ngan lipak ja'au pa'ung lem alut réh nah, danii' réh juk kaham lah.

LUKAS 8:33

Boh kekat balei' nah pega' jin lakei' iri' ke' réh tai masek lem idok pinaa' nah. Tioo nekedeu' idok pinaa' nah kelap nerurut tong apé ihang keluwat ketai avéé' tong tapak tana' bau dirin baa', tioo pejeu kekat néh béé pelohoo' lem baa', tioo matai menyet.

LUKAS 8:45

Boh Yésus pané ngan kelunan pinaa' nah, Séé' éh ngamit Ku' ri'? Ha' Néh. Ha' réh, Bé' améé' pu'un ngamit ka'au' ri', ha' réh. Boh Péterus pané kepéh, O Guru, pinaa' kelunan ne', neu' kelunan pesikeu' nah ine', ha' néh.

YOHANES 1:40

Jah usah jin belah roh éh menéng ha' Yohanes nah ngan éh kivu Yésus, inah éh Anderias éh padéé' Simon Péterus.

YOHANES 6:1

La'o Yésus pané kenat, tai éh papit baa' Banget Galilia, éh nateng jelua' kelunan baa' Banget Tiberias.

IBRANI 13:7

Jian keh seruh tong irah éh pengeja'au keh lepah, éh bara' ha' Tuhan ngan keh. Seruh keh tong urip réh ngan tong pematai réh, jian keh nyavuu' pengelan réh.