LUKAS 4:8 - Rengah Jian

⁸ La'ah ha' Yésus mipa éh kepéh, Ha' surat Allah bara', Tekep ke' seva' Tuhan Allah éh kenelan ko' ngan kivu Iah awah, ha' Néh.

LUKAS 4:8 Iomraidhean Croise

MATIUS 16:23

Boh Yésus pupah ke' néh pané ngan Péterus, ka' ha' néh, Kelap ke' Sitan, Ka'au' juk mapat jalan Ké' awah, kekat penyeruh ko' inah, bé' éh jin Allah, jin tana' iteu' awah éh, ha' néh.

MATIUS 4:10

La'ah ha' Yésus mipa éh, Kelap ke' Sitan, uban ka' ha' Tuhan lem surat néh, Tekep ke' seva' Tuhan Allah éh kenelan ko' ngan kivu sohoo' nah awah, ha' néh.

LUKAS 4:4

Ha' Yésus mipa éh, Ha' surat Allah bara', Bé' éh neu' roti awah kelunan murip, ha' Néh.

LUKAS 4:7

Hun Ko' ngejekuu' lep Ko' seva' akeu', boh ku' mena' kekat inah anah Ko' kepéh, ha' Sitan nah.

YAKUB 4:7

Jian keh mena' usah keh ngan Tuhan. Mejuk Sitan boh iah kelap jin ka'ah.

1 PÉTERUS 5:9

Jian keh petem dalem pengelan keh ngan ngelawan iah, uban ka'ah jam kelunan éh jah éh ngelan tong Tuhan, tipo tana', irah péh teneng pengeketa pekua' ka'ah iteu'.

ÉH POLÉNG 19:10

Akeu' ngejekuu' lep ké' déhéé' gem néh juk seva' éh, bang ha' néh ngan ké', Mai ke' seva' akeu', akeu' péh kelunan sohoo' barei' ka'au' ngan kekat irah padéé' ko', inah éh irah éh bé' putui pengelan bang éh ngelan tong Yésus ngan mihau ha' tebaraa' éh teneng éh benara' Yésus. Jian ke' seva' Allah, ha' néh. Uban pengeteneng éh benara' Yésus pu'un éh ngusii' kenin kelunan éh bara' ha' Tuhan ngan kelunan.

ÉH POLÉNG 22:9

Bang ka' ha' néh ngan ké', Mai ke' maneu' kenat, akeu' péh kelunan éh sohoo' Tuhan barei' ka'au', ngan barei' kekat padéé' ko' éh bara' ha' Tuhan ngan kelunan, ngan barei' kekat irah éh jah éh kivu kekat ha' lem surat iteu'. Jian ke' seva' Allah, ha' néh.