LUKAS 4:6 - Rengah Jian

⁶ La'ah ha' Sitan ngan Néh kepéh, Akeu' juk mena' kekat penyukat ngan pengaren inah ngan Ko'. Kekat inah anah ké' béé éh, akeu' omok mena' éh ngan séé' éh keneloo' ké'.

LUKAS 4:6 Iomraidhean Croise

LUKAS 4:7

Hun Ko' ngejekuu' lep Ko' seva' akeu', boh ku' mena' kekat inah anah Ko' kepéh, ha' Sitan nah.

YOHANES 12:31

Hun iteu' lepah avéé' sioo' hun kelunan tong tana' iteu' petuneng Néh ngan iah éh pu'un penyukat tong tana' iteu' juk senopéé' Néh.

YOHANES 14:30

Bé' pu'un pinaa' ha' Ké' kepéh, uban pengeja'au tana' iteu' juk tuai bang bé' éh pu'un penyukat tong Akeu'.

YOHANES 8:44

Ka'ah anak tamen keh Sitan, ngan pu'un keh kivu kekat pengeloo' tamen keh. Jin bu'un-bu'un sahau péh Sitan mematai kelunan, bé' éh keloo' alaa' saa' éh teneng, uban bé' pu'un ineu'-ineu' éh teneng lem néh. Hun néh pané, pu'un éh pané kenyo awah, pohoo' néh kenyo, ngelayau éh kenyo kenat, ngan inah éh tamen kekat kelunan éh kenyo.

2 KORINTUS 11:14

La'ah bé' lu' béé kenin seruh éh kenat uban Sitan péh omok ngepaléu kekat penganeu' néh barei' penganeu' meliket éh ni'ai.

ÉPESUS 2:2

Tovoo' inah pu'un keh kivu jalan éh kemalai kelunan éh bé' jam Tuhan. Pu'un keh kivu sohoo' pengeja'au kekat balei', pengeja'au balei' nah pu'un éh ngamit kelunan éh bé' kivu sohoo' Tuhan pah avéé' hun iteu'.

1 PÉTERUS 1:24

Barei' ha' dalem Surat Allah, Kekat kelunan pu'un barei' ureu' awah, ngan kekat kejian néh barei' busak awah, barei' ureu' éh melayeu' ngan busak éh peleraa'.

1 YOHANES 5:19

La'ah uleu' jam uleu' iteu' anah Allah ngan kekat éh tong tana' iteu' pu'un ra' penyukat Sitan.

ÉH POLÉNG 12:9

Berungan ja'au nah nebet jin seruga. Inah éh torok éh sahau éh ngaran néh Iblis ngan Sitan, éh ngelavo' kekat kelunan pah tipo tana'. Iah pu'un nebet tai tana' pemung ngan kekat meliket néh.

ÉH POLÉNG 13:2

Ka'an inah ta'an ké' barei' layan bilung, bang gem néh barei' gem buang, ngan ujun néh barei' ujun singa'. La'ah berungan nah mena' ngan ka'an inah pengegahang néh, ngan néh, ngan penyukat néh éh ja'au.

ÉH POLÉNG 13:7

Pu'un Tuhan kejeraa' ka'an inah ngelawan irah éh anah Allah ngan nyopéé' réh. Ngan pu'un penyukat nena' ngan néh bau siget pohoo', leboo', arong ha' ngan bengesa'.