LUKAS 4:5 - Rengah Jian

⁵ La'ah Sitan mihin Éh tai berusu' bau, ngan dalem jah litep iah bara' kekat penyukat ngan pengaren tipo tana' ngan Néh.

LUKAS 4:5 Iomraidhean Croise

MATIUS 24:14

La'ah Rengah Jian iteu' éh bara' tong jalan Allah juk tuai Pengeja'au ngan mihau kekat kelunan, pu'un éh benara' réh pah tipo tana' dokoo' kekat kelunan omok jam éh, boh éh pengega' tana', ha' néh.

MATIUS 4:8

La'o inah kepéh Sitan mihin Yésus tai berusu' éh bau ke' néh tojoo' kekat arong tana' ngan kekat arong kejian éh tong tana' ngan néh.

1 KORINTUS 15:52

Pu'un éh tioo paléu kenat lem jah litep ngan lem jah ki'ep awah sioo' serupit miha' tong ga' dau vam. Uban hun serupit inah miha', kekat kelunan matai pu'un betéé' ngan alaa' usah éh bé' omok matai kepéh, ngan uleu' béé pu'un paléu alaa' usah éh maréng.

1 KORINTUS 7:31

La'ah kelunan éh pebelih, mai éh telalau seruh pebelih awah. Uban tana' iteu' bé' pu'un barei' hun iteu' lebéé' la'ah.

2 KORINTUS 4:17

Uban penusah ngan pengeketa lu' iteu', barei' si'ik awah éh ngan metok awah, pu'un éh mihin uleu' alaa' pengaren éh ja'au ngan éh pelinguh, éh pelapah ja'au kepéh jin kekat penusah lu'.

ÉPESUS 2:2

Tovoo' inah pu'un keh kivu jalan éh kemalai kelunan éh bé' jam Tuhan. Pu'un keh kivu sohoo' pengeja'au kekat balei', pengeja'au balei' nah pu'un éh ngamit kelunan éh bé' kivu sohoo' Tuhan pah avéé' hun iteu'.

ÉPESUS 6:12

Uban bé' uleu' ngelawan kelunan, bang uleu' ngelawan kekat balei' sa'at ngan ungap éh pu'un tong sawang, ngan kekat kerenget balei', ngan kekat kesa'at éh mihin kelunan tong merem.