LUKAS 4:41 - Rengah Jian

⁴¹ La'ah pinaa' balei' musit jin kelunan pinaa' nah, ngeradau balei' nah, ka' ha' réh, Ka'au' iteu' néh Anak Allah, ha' réh. Pelapah Yésus meta' kekat balei' nah pané, uban kejam balei' nah, Yésus éh Kristus éh pejajii' Allah.

LUKAS 4:41 Iomraidhean Croise

MATIUS 26:63

Bang Yésus mokoo' kelem awah, bé' Iah pané ineu'-ineu' péh. Jah koléé' kepéh Imam éh pengeja'au kekat imam nah neteng éh, ha' néh, Dalem ngaran Allah éh murip, akeu' nyohoo' ke' bara' mu'un hun ko' Kristus, Anak Allah, ha' néh.

MATIUS 4:3

Boh Sitan tuai bara' ngan néh, ka' ha' néh, Hun Ko' Anak Allah mu'un, ko' ngepaléu kekat bateu' iteu' malui roti, ha' néh.

MATIUS 8:16

La'ah avéé' dau tahup, pu'un kelunan mihin kuraa'-kuraa' kelunan éh nasek balei' tavin Yésus. La'ah palaa' ha' néh awah péh Iah mega' kekat balei' sa'at nah ngan peka'o kekat irah éh sakit.

MATIUS 8:29

Ngeradau roh ja'au ha', ka' ha' roh, O Anak Allah, ineu' éh juk neu' Ko' tong amo? Kineu' Ke' tuai, uban Ko' juk ngukum amo tenah bé' mena avéé' tong jaka' Ko' ngukum kekat kelunan, ha' roh.

MATIUS 8:4

Boh Yésus bara' ngan néh, Menéng ke' jian-jian, mai ke' tosok iteu' ngan kelunan séé'-séé' péh, bang jian ke' tioo tai bara' usah ko' ngan imam tong sebayang Yahudi, ngan mena' pengena' ngan néh ke' néh mematai éh kivu sohoo' Tuhan lem Surat Musa dokoo' kekat irah omok jam ka'au' lepah ma'o, ha' néh.

MARKUS 1:25

Pelapah Yésus meta' balei' inah, Mai kahut, musit ke' jin kelunan iteu', ha' Yésus.

MARKUS 1:32

La'ah dau tahup inah, kekat kelunan éh pu'un bakéh éh sakit ngan éh nasek balei', pu'un réh mihin irah inah tavin Yésus.

MARKUS 1:34

Yésus peka'o kuraa' arong kesakit réh, ngan pinaa' balei' nebet Yésus jin tong réh, pah avéé' néh bé' buhaa' balei' nah pané, uban kejam balei' nah, séé' Yésus nah.

MARKUS 3:11

Hun irah éh nasek sahéé' sa'at nah na'at Yésus, tioo ngejekuu' lep réh ngan ngeradau, bara', ka'au' néh Anak Allah, ha' ngeradau réh.

LUKAS 4:39

Tai Yésus nekedéng déhéé' redo inah ngan meta' kedarem néh. Pelapah kedarem néh pega', betéé' éh petubo réh.

YOHANES 20:31

Bang kekat éh senurat ké' iteu' pu'un ku' nyurat éh kenat dokoo' keh omok ngelan adang Yésus nah Iah éh Kristus éh Anak Allah mu'un, ngan hun ko' ngelan éh kenat, boh ke' omok alaa' urip lem ngaran Néh.

YAKUB 2:19

Ka'ah jam Allah matek jah awah. Jian éh kenat, bang kekat balei' péh jam Tuhan matek jah awah ngan riyet réh medai éh.