LUKAS 4:34 - Rengah Jian

³⁴ Eii, ineu' juk neu' Ko' tong améé' o Yésus kelunan Nasaret? Kineu', Ka'au' tuai juk kebéé améé' énéh kei? Akeu' jam Ka'au'. Ka'au' lawah éh ni'ai éh tuai jin Allah, ha' balei' nah.

LUKAS 4:34 Iomraidhean Croise

MATIUS 8:29

Ngeradau roh ja'au ha', ka' ha' roh, O Anak Allah, ineu' éh juk neu' Ko' tong amo? Kineu' Ke' tuai, uban Ko' juk ngukum amo tenah bé' mena avéé' tong jaka' Ko' ngukum kekat kelunan, ha' roh.

MARKUS 1:24

ka'au' Yésus éh jin Nasaret, ineu' juk neu' Ko' tong améé' tu' da'? Ko' juk kebéé mé' énéh da'? Akeu' jam Ka'au', Ka'au' néh éh Lawah éh ni'ai jin Allah, ha' néh.

MARKUS 1:34

Yésus peka'o kuraa' arong kesakit réh, ngan pinaa' balei' nebet Yésus jin tong réh, pah avéé' néh bé' buhaa' balei' nah pané, uban kejam balei' nah, séé' Yésus nah.

MARKUS 5:7

ngan iah ngeradau' ja'au ha', ka' ha' néh, O Yésus Anak Allah éh matek bau, ineu' juk neu' Ko' tong akeu', ke' Ko' tuai siteu' teu'. Ko' pika ku, mai Ke' ngukum akeu', ha' néh.

LUKAS 1:35

Ha' meliket mipa éh, Sahéé' Ni'ai juk tuhun tong ke' ngan penyukat Tuhan Allah pu'un tong ke', kenat péh Anak ko' iteu' nateng réh Anak éh ni'ai, ngan éh nateng réh Anak Allah.

LUKAS 4:33

Tong lamin sebayang nah pu'un jah kelunan éh nasek balei', ngeradau balei' nah ja'au ha', ka' ha' néh,

LUKAS 4:41

La'ah pinaa' balei' musit jin kelunan pinaa' nah, ngeradau balei' nah, ka' ha' réh, Ka'au' iteu' néh Anak Allah, ha' réh. Pelapah Yésus meta' kekat balei' nah pané, uban kejam balei' nah, Yésus éh Kristus éh pejajii' Allah.

LUKAS 8:28

Hun kelunan éh nasek balei' nah na'at Yésus, ngeradau éh, tioo kuba' éh tong jumen Yésus, ja'au ha' ané néh ngan Yésus, ha' néh, O Yésus, Anak Allah éh Matek Bau, ineu' juk neu' Ko' tong akeu'? Akeu' menyat ke' pika akeu', mai ke' ngukum akeu', ha' néh.

LUKAS 8:37

Medai mu'un-mu'un kelunan pinaa' nah, inah irah nyohoo' Yésus piso jin leboo' inah. Boh Yésus taket lem alut ke' Néh piso pekua' sohoo' réh nah.

PENGANEU' LAWAH 16:39

Pelapah réh tai menyat jian ngan Paulus rawah, ngan mihin roh musit jin lamin tutup. La'o inah boh pengeja'au nah menyat roh piso jin leboo' inah.

PENGANEU' LAWAH 2:27

Bé' Ke' kejeraa' sahéé' ké' mokoo' tong jalan patai. Bé' Ke' kejeraa' Anak Ko' éh ni'ai borok awah.

PENGANEU' LAWAH 3:14

Yésus inah pu'un éh ni'ai ngan jian, bang ka'ah lepah bet Éh ngan pu'un keh menyat pika ngan Pilatus dokoo' néh ngelepu jah kelunan éh mematai kelunan.

PENGANEU' LAWAH 4:27

Hun iteu' pu'un éh kenat mu'un tong leboo' iteu', uban Herodis ngan Pontius Pilatus ngan kelunan Yahudi ngan kelunan éh tengéé' pohoo', petipun ke' réh ngelawan Yésus, Anak Ko' éh ni'ai, éh kevéléé' Ko' ke' Néh pepurip kekat kelunan.

IBRANI 2:14

Uban irah éh nateng anak Allah kelunan mu'un, inah Yésus tuai paléu kelunan pekua' irah inah ke'. Iah paléu kelunan dokoo' neu' pematai Néh Iah omok ngebéé Sitan éh pu'un penyukat bau patai.

YAKUB 2:19

Ka'ah jam Allah matek jah awah. Jian éh kenat, bang kekat balei' péh jam Tuhan matek jah awah ngan riyet réh medai éh.

1 YOHANES 3:8

Kelunan éh petem maneu' penyala', iah anah Sitan, uban jin bu'un sahau Sitan nah maneu' penyala'. Inah maneu' Anak Allah tuai ke' Néh kebéé kekat penganeu' Sitan.

ÉH POLÉNG 20:2

Iah ngamit berungan inah, torok éh sahau inah éh Iblis iah ke' éh Sitan ngan ngejeret éh palaa' latai avéé' jah ibu taun kelebéé'.

ÉH POLÉNG 3:7

Jian ke' nyurat ngan meliket sidang tong Piladelpia. Iteu' ha' éh benara' jin Iah éh ni'ai ngan tigéh. Iah ngamit kusi' éh jin Daud; hun mah Iah mukap tapé, bé' pu'un jah usah péh omok tutup éh. Hun mah Iah tutup éh, bé' pu'un jah usah péh omok mukap éh.