LUKAS 4:32 - Rengah Jian

³² Béé kenin réh menéng ha' tebaraa' Néh uban ha' tebaraa' Néh pu'un éh ngan penyukat.

LUKAS 4:32 Iomraidhean Croise

MARKUS 1:22

Béé kenin réh menéng ha' tebaraa' Néh, uban bé' Éh barei' irah guru éh nebaraa' tong Surat Musa nah awah, pu'un Éh nebaraa' réh ngan pu'un penyukat.

LUKAS 2:47

Kekat irah éh menéng ha' néh pané, béé kenin réh uban Néh jam seruh ngan jam mipa ha' réh.

LUKAS 4:33

Tong lamin sebayang nah pu'un jah kelunan éh nasek balei', ngeradau balei' nah ja'au ha', ka' ha' néh,

LUKAS 4:36

Béé kenin kelunan pinaa' nah, pepané réh, ka' ha' réh, Oi, kineu' ha' Néh kenat, uban hun Néh pané, pu'un penyukat lem ha' ané Néh, hun Néh nyohoo' balei' nah pega' jin kelunan, pega' mu'un éh, ha' réh.

YOHANES 6:63

Sahéé' Ni'ai awah omok purip kelunan, usah kelunan bé' éh omok kenat, kekat ha' éh benara' Ké' ngan keh, inah éh jin Sahéé' Ni'ai ngan omok Éh purip kelunan.

YOHANES 7:46

Ka' ha' irah seradu mipa réh, Jin-jin sahau péh bé' pu'un kelunan éh jam pané barei' kelunan inah, ha' réh.

2 KORINTUS 4:2

Pu'un mé' bet kekat-kekat barék sa'at éh pu'un pelim éh mihin kelunan menyaa', bé' mé' maneu' ineu'-ineu' ngelavo' kelunan, ngan bé' mé' ngepaléu ha' tebaraa' Tuhan. Améé' bara' tong kekat éh teneng ngan lenaa' mu'un, pu'un mé' maneu' kekat kereja' mé' tong jumen Allah, adang kekat kelunan pu'un jam kenat éh neu' mé'.

1 TESALONIKA 1:5

Uban Rengah Jian éh benara' mé' ngan keh rai, bé' améé' bara' éh pekua' ha' tosok éh kemalai kelunan awah, bang pu'un éh neu' penyukat Sahéé' Ni'ai, pah avéé' ka'ah péh jam kekat éh benara' mé' inah pu'un éh teneng mu'un. La'ah ka'ah jam tong pengurip améé' hun mé' pu'un mokoo' ngan ka'ah rai, pu'un urip mé' kenat uban mé' nolong ka'ah.

TITUS 2:15

Jian ke' bara' kekat ha' tebaraa' iteu', ngan neu' penyukat Sahéé' Ni'ai jian ke' nebaraa' ngan petena' réh. Mai jah-jah usah péh ngera' ke' awah.