LUKAS 4:25 - Rengah Jian

²⁵ Ha' Yésus kepéh Jian keh menéng ha' ké' mu'un, Hun nabi Elia pu'un tong tana' Israel sahau, sioo' taa' bé' pu'un teleu' ta'un nem laséh kelebéé', kekat kelunan la'au' mu'un.

LUKAS 4:25 Iomraidhean Croise

MATIUS 20:15

Kineu', bé' tekep ku' maneu' ineu'-ineu' éh keneloo' ké' palaa' éh anah ké' kei? Kineu', sa'at kenin ko' uban ké' mena' éh pinaa' ngan irah éh jah, ha' néh.

LUKAS 10:21

Sioo' inah Yésus penoo' neu' kemurung jin Sahéé' Ni'ai, inah Éh sebayang, ka' ha' Néh, O Tamen Ké' éh Tuhan tong langit ngan tong tana' péh, Akeu' bara' jian kenin ngan Ko' uban kekat éh nelim Ko' jin irah éh pu'un ngaran tong tana' éh pu'un pekalai tong kuraa'-kuraa' arong, pu'un Ke' pepoléng éh ngan irah éh bé' pu'un ngaran tong tana', ngan éh bé' pu'un pekalai tong ineu'-ineu' péh. O Tamen Ké', pu'un Ke' maneu' éh kenat kivu pengeloo' Ko' ngan éh seneruh Ko' tengéé'.

SURAT PAULUS NGAN SIDANG RUM 9:15

Uban ka' ha' Néh ngan Musa, Akeu' pu'un pika kelunan séé' éh keneloo' Ké', kenat péh Akeu' pu'un masi kelunan séé' éh keneloo' Ké', ha' Néh ngan Musa.

SURAT PAULUS NGAN SIDANG RUM 9:20

O padéé' ké' séé' ka'ah ke' keh makang neteng ngan Allah? kineu' omok kuren tana' éh senuai réh barei' lajang nah neteng ngan irah éh suai éh, kineu' ko' suai akeu' ka'?

ÉPESUS 1:11

Allah ngelayau maneu' ineu'-ineu' éh payoo' kivu pengeloo' kenin Néh. Avéé' Néh ngevéléé' améé' dalem Kristus dokoo' mé' omok anah Néh, kivu pengeloo' kenin Néh éh petenup Néh tenéh jin sahau.

ÉPESUS 1:9

ngan kejeraa' uleu' jam tong pengeloo' kenin Néh éh petenup Néh tenéh ngan éh pelim jin kelunan sahau.

YAKUB 5:17

Élia rai, iah péh jah kelunan pekua' barei' uleu' iteu', iah sebayang mu'un dokoo' taa' bé' pu'un, la'ah bé' pu'un taa' teleu' ta'un nem laséh kelebéé' néh.

ÉH POLÉNG 11:6

Rawah pu'un penyukat omok maneu' langit bé' pu'un taa' kelebéé' roh bara' ha' tebaraa' Allah. La'ah rawah pu'un penyukat tong siget usit baa' dokoo' néh paléu dahaa', rawah pu'un penyukat kepéh maneu' kuraa'-kuraa' arong penusah tong tana' ngan maneu' éh kuraa'-kuraa' koléé' kivu pengeloo' kenin roh.