LUKAS 4:18 - Rengah Jian

¹⁸ Sahéé' Tuhan pu'un tong Akeu'. Iah lepah ngevéléé' Akeu' dokoo' ké' bara' rengah jian ngan kelunan kari. Iah nyohoo' Akeu' bara' jalan ngan kelunan ripen ke' réh omok pelepu. Kelunan éh bé' pu'un ta'an, Akeu' maneu' réh omok na'at kepéh. Kelunan éh besau, Akeu' juk ngelepu réh jin kekat kebesau réh neu' kelunan éh maneu' réh.

LUKAS 4:18 Iomraidhean Croise

MATIUS 11:5

Jian keh bara' ngan néh, kelunan éh peseu' omok réh na'at kepéh, irah éh paket omok réh lakau kepéh, irah éh kapéé' pu'un réh ma'o ngan lanyah kulit réh kepéh, irah éh rengen omok réh menéng kepéh, irah éh lepah matai omok réh murip kepéh, ngan Rengah Jian jin Allah benara' néh ngan kelunan kari.

MATIUS 12:18

Ka' ha' Allah, Iteu' néh kelunan sohoo' Ké' éh lepah kevéléé' Ké' Murung Ku' tong Iah, ngan payoo' kenin Ké' tong néh. Akeu' juk mena' Sahéé' Ké' ngan néh ngan Iah juk bara' ukum Ké' ngan kekat kelunan.

MATIUS 12:20

Bé' Iah juk memutui bahang éh madaa', ngan bé' Iah juk memata' ada titui éh bilep-bilep ke' awah, avéé' Iah nyopéé' kekat éh sa'at ngan mihin kekat éh jian ngan teneng omok pengeja'au réh kepéh.

MATIUS 4:16

Kelunan éh mokoo' tong merem omok éh na'at rema peséng. Kelunan éh mokoo' tong jalan éh mihin réh matai, omok rema inah nawa tong réh, ha' néh.

MATIUS 5:3

Murung kenin kekat kelunan éh Nesen ngan juk pitah Allah, omok réh tai ngan Allah hun néh tuai pengeja'au ngan mihau kekat kelunan.

LUKAS 4:17

pu'un irah mena' surat Yesaya ngan Néh. La'ah Iah nyelevat surat inah jin len néh ke' Néh purung retek ha' éh bara' ka',

LUKAS 6:20

Tuhan Yésus na'at kekat irah Éh kivu éh, boh Éh bara' ngan réh ka'. Murung kenin kelunan éh kari, uban ka'ah omok tai lem pengihau pengeraja' Allah

LUKAS 7:22

La'ah ha' Yésus mipa ha' rawah éh senohoo' Yohanes ri', ka' ha' Néh, Jian koh moléé' tai bara' ngan Yohanes tong kekat éh ta'an koh ngan éh nenéng koh siteu' ri', inah éh, kelunan éh bé' pu'un ta'an omok réh na'at kepéh, irah éh paket omok réh lakau kepéh, irah éh kapéé' pu'un réh ma'o ngan lanyah kulit réh kepéh, irah éh rengen omok réh menéng kepéh. Irah éh matai omok réh murip kepéh, ngan Rengah Jian benara' Néh ngan kelunan kari.

YOHANES 1:41

Anderias tioo tai pitah padéé' néh Simon ke' néh bara' ngan néh ka', Améé' lepah temeu' ngan Kristus, ha' néh. Sin tong ngaran Kristus, inah éh, Iah éh pejajii' Tuhan dokoo' Néh Pengeja'au kelunan.

YOHANES 12:46

Pu'un Akeu' tuai tong tana' iteu' dokoo' Ké' perema tong tana' iteu', jalan siget-siget kelunan éh ngelan tong Akeu', bé' éh mokoo' tong merem kepéh.

YOHANES 3:34

Kelunan éh tuai sohoo' Allah pu'un éh bara' kekat ha' Allah, uban Allah pepenoo' kenin néh neu' Sahéé' Ni'ai.

PENGANEU' LAWAH 10:38

Pu'un keh jam kepéh Allah mena' Sahéé' Ni'ai ngan penyukat Néh ngan Yésus. Pu'un Yésus lakau semah-semah péh ke' Néh nolong kelunan ngan ngelepu irah éh keripen Sitan, uban Allah pu'un ngan néh.

PENGANEU' LAWAH 26:18

Tekep ke' pepekang maten kenin réh, dokoo' réh omok musit jin merem ngan masek tong rema, ngan ngelepu réh jin penyukat Sitan ke' réh tai lem nihau Allah, éh omok mega' penyala' réh neu' pengelan réh tong Akeu', ke' réh omok tai pemung ngan kekat kelunan éh anah ké'. Kenat ha' Tuhan ngan ké' irai, ha' Paulus nah.

PENGANEU' LAWAH 4:26

Pu'un kekat raja' tong tana' petenup ngan irah pengeja'au éh jah pu'un petipun, dokoo' réh ngelawan Tuhan ngan ngelawan Iah éh tuai jin Allah ke' Néh pepurip kelunan. Kenat ha' Daud.

PENGANEU' LAWAH 4:27

Hun iteu' pu'un éh kenat mu'un tong leboo' iteu', uban Herodis ngan Pontius Pilatus ngan kelunan Yahudi ngan kelunan éh tengéé' pohoo', petipun ke' réh ngelawan Yésus, Anak Ko' éh ni'ai, éh kevéléé' Ko' ke' Néh pepurip kekat kelunan.

KOLOSÉ 1:13

Uban pu'un Iah ngelepu lu' jin kekat penyukat éh tong merem, ngan pepiso lu' tai lem nihau Anak éh kemurung Néh,

YAKUB 2:5

Nesen keh, padéé'-padéé' éh kemurung ké'! Allah lepah ngevéléé' kelunan éh kari tong tana' iteu' dokoo' réh omok kaya' dalem pengelan. Irah juk tai lem Pengihau Allah barei' éh lepah pejajii' Néh ngan irah éh pika Iah.

1 PÉTERUS 2:9

Bang ka'ah jah pohoo' éh kevéléé' Allah, imam-imam éh mena' urip néh maneu' kereja' Allah, pohoo' éh ni'ai, kelunan éh anah Allah mu'un. Allah ngevéléé' keh dokoo' keh omok perengah penganeu' Néh éh ngebéé kenin kelunan Allah lepah tebai ka'ah musit jin merem dokoo' masek lem rema Néh éh jian mu'un.