LUKAS 4:1 - Rengah Jian

¹ La'ah moléé' Yésus jin baa' Yordan ngan kenin Néh penoo' neu' Sahéé' Ni'ai. La'ah Sahéé' Ni'ai mihin Éh tai ahang tana',

LUKAS 4:1 Iomraidhean Croise

MATIUS 3:16

Tovoo' Yésus musit jin baa' nah, pu'un langit pukap ngan ta'an néh Sahéé' Tuhan tuhun tong néh, layan néh barei'-okoo' juhit punai.

LUKAS 2:27

La'ah Sahéé' Ni'ai majak éh tai tong Umaa' Allah. Inah tinen tamen anak si'ik nah mihin anak inah masek tong Umaa' Allah, ke' roh kivu kekat adet pekua' sohoo' lem Surat Musa.

LUKAS 3:3

Inah Yohanes lakau tutuh tana' tong baa' Yordan ke' néh nebaraa' kelunan. Ka' ha' néh, Jian keh piso jin kesa'at keh ngan batis, dokoo' Allah omok mega' penyala' keh, ha' néh.

LUKAS 3:38

Kanan inah anak Énos, Énos inah anak Sét, Sét inah anak Adam, Adam inah anak Allah.

LUKAS 4:14

La'o inah Yésus moléé' tai tana' Galilia ngan penyukat Sahéé' Ni'ai pu'un ngan Néh. La'ah rengah Néh avéé' tong kekat leboo' tong tana' inah.

LUKAS 4:18

Sahéé' Tuhan pu'un tong Akeu'. Iah lepah ngevéléé' Akeu' dokoo' ké' bara' rengah jian ngan kelunan kari. Iah nyohoo' Akeu' bara' jalan ngan kelunan ripen ke' réh omok pelepu. Kelunan éh bé' pu'un ta'an, Akeu' maneu' réh omok na'at kepéh. Kelunan éh besau, Akeu' juk ngelepu réh jin kekat kebesau réh neu' kelunan éh maneu' réh.

YOHANES 1:32

Ha' Yohanes kepéh, Pu'un akeu' na'at Sahéé' tuai jin seruga, layan Néh barei' juhit punai, Sahéé' Nah pu'un mokoo' tong Yésus.

YOHANES 3:34

Kelunan éh tuai sohoo' Allah pu'un éh bara' kekat ha' Allah, uban Allah pepenoo' kenin néh neu' Sahéé' Ni'ai.

PENGANEU' LAWAH 1:2

pah avéé' dau Néh nalaa' Tuhan tai seruga. La'ah teka Néh nalaa' Tuhan tai seruga, pu'un Éh bara' kuraa'-kuraa' sohoo' neu' penyukat Sahéé' Ni'ai ngan kekat kelunan éh kevéléé' Néh tenéh nah, ke' réh tai lawah Néh.

PENGANEU' LAWAH 10:38

Pu'un keh jam kepéh Allah mena' Sahéé' Ni'ai ngan penyukat Néh ngan Yésus. Pu'un Yésus lakau semah-semah péh ke' Néh nolong kelunan ngan ngelepu irah éh keripen Sitan, uban Allah pu'un ngan néh.

PENGANEU' LAWAH 8:39

La'o roh taket jin baa', Sahéé' Tuhan pepiso Pilipus jin lakei' ja'au nah. Bé' lakei' ja'au nah jam Pilipus lah, bang moléé' éh ngan murung mu'un-mu'un kenin néh.