LUKAS 3:8 - Rengah Jian

⁸ Jian keh maneu' barék keh teneng, inah éh pepoléng keh lepah nelikut jin kekat kesa'at keh. Boh keh omok kelap jin ukum inah. Mai keh bara' ka', Abraham éh tepun améé', ha'. Mai keh ngelan tong inah. Uban Allah pu'un penyukat Néh, bateu' péh ke' Néh suai malui anak, éh anak-ayam Abraham, omok éh.

LUKAS 3:8 Iomraidhean Croise

MATIUS 21:43

Ha' Yésus kepéh, Ka'ah éh kevéléé' Allah dokoo' keh pu'un lem nihau Allah, bang bé' keh omok tai lem nihau néh. Iah juk bet keh awah ngan alaa' kelunan éh jah kepéh lem nihau néh ke' réh ngebuaa' ngan buaa' éh jian.

MATIUS 3:8

Jian keh maneu' kekat éh jian éh omok pepoléng ka'ah lepah piso jin kekat kesa'at keh.

MATIUS 3:9

Mai keh ngelan tong ha' keh éh bara', Abraham éh tamen améé'. Mai keh seruh Tuhan juk pepurip keh uban keh pohoo' anak Abraham, akeu' bara' ngan keh, Allah éh pu'un penyukat ngepaléu kekat bateu' iteu' malui anak Abraham, ha' néh.

LUKAS 13:25

Pu'un pengeja'au lamin betéé' mitep usit tapé, hun keh pu'un nekedéng sinah nyohoo' éh mukap boh éh mipa ha' keh ka', Bé' akeu' jam jin semah ka'ah inah, ha' néh.

LUKAS 13:26

Boh keh juk bara' ngan néh kepéh ka', Améé' néh éh kuman pemung ngan ko' rai ne', pu'un ke' lepah nebaraa' mé' tong leboo' mé' rai, ha' keh.

LUKAS 14:9

Hun kelunan éh tenebai néh inah pu'un tuai, barang kelunan éh tebai ke' ri' tuai kepéh nyohoo' ke' piso jin nyun ko' inah dokoo' kelunan éh ja'au ngaran nah omok menyun sinah kepéh. Menyaa' ke' hun ko' piso kenat.

LUKAS 19:40

Ha' Yésus ngan réh, Akeu' bara' ngan keh, hun kekat irah kelem, adang kekat bateu' pu'un ngelahap, ha' Néh.

LUKAS 19:9

La'ah ka' ha' Yésus kepéh, Dau iteu' irah tong lamin iteu' pu'un alaa' urip, la'ah lakei' inah iah péh jah anak jin pohoo' Abraham, éh pohoo' Yahudi.

LUKAS 5:21

Boh irah guru nah ngan kelunan Parisi ngedalem Éh. Kelem réh, séé' péh kelunan iteu' éh pané ka' pesalut Allah? Bé' pu'un kelunan tong tana' éh omok mega' penyala' kelunan, Allah awah éh omok maneu' kenat, kelem réh.

YOHANES 8:33

Ka' ha' réh mipa Éh kepéh, Améé' éh pohoo' jin Abraham ngan bé' améé' keripen kelunan séé'-séé' péh. Kineu' Ko' bara' améé' omok pelepu, bé' améé' jam ha' Ko' kenat, ha' réh.

YOHANES 8:39

Ka' ha' réh mipa Éh kepéh Abraham iah éh tamen mé', ha' réh. Ka' ha' Yésus kepéh, Hun keh anak Abraham mu'un, adang keh pu'un maneu' pekua' éh naneu' Abraham.

PENGANEU' LAWAH 26:20

Tong bu'un néh pu'un ku' tai nebaraa' réh tong Damsyik ngan tong Yérusalem, la'o inah boh ku' tai tutuh tana' Yudea, ngan tai ngan kelunan éh tengéé' pohoo' péh nyohoo' réh piso jin kesa'at réh ngan tavin Allah, ngan maneu' barék réh éh pekelenaa' réh pu'un piso jin kesa'at réh nah.

SURAT PAULUS NGAN SIDANG RUM 4:16

Jajii' Allah inah kivu pengelan kelunan tong Allah. Uban kenat jajii' inah pu'un petem neu' pengena' Allah éh nena' Néh awah ngan kekat anak ayam Abraham, irah éh kivu sohoo' lem Surat Musa kenat péh irah ngelan tong Allah barei' Abraham nah seleket tepun kekat kelunan éh ngelan tong Allah.

SURAT PAULUS NGAN SIDANG RUM 9:7

Kenat péh bé' makat kekat pohoo' kelunan jin Abraham éh omok anak Allah mu'un, uban ka' ha' Allah ngan Abraham. Kekat irah jin anak ko' Ishak, inah awah éh pohoo' ko' mu'un, ha' Néh.

PILIPI 1:11

Akeu' keloo' kekat urip ngan barék keh pu'un jian neu' penyukat Yésus Kristus lem kenin keh, dokoo' keh omok peparen ngan mejing Allah.