LUKAS 3:7 - Rengah Jian

⁷ La'ah pinaa' kelunan tai tavin Yohanes menyat éh ngebatis réh. Ha' Yohanes ngan réh, Ka'ah pekua' torok awah, kineu' keh seruh keh omok kelap jin ukum Allah ke' néh bé' teneng tong ka'ah? Ukum inah danii' mu'un éh juk avéé' tong keh.

LUKAS 3:7 Iomraidhean Croise

MATIUS 12:34

O ka'ah éh pohoo' anak torok, kineu' keh seruh keh omok pané jian hun kenin keh sa'at awah? Uban barei' kenin lu', kenat péh ha' ané lu'.

MATIUS 23:33

Ka'ah pohoo' anak torok awah. Kineu' keh seruh keh omok kelap jin ukum Tuhan hun néh bet keh tong luten meraka.

MATIUS 3:6

La'ah pu'un réh ngakun penyala' réh, la'o inah Yohanes ngebatis réh dalem baa' Yordan.

YOHANES 8:44

Ka'ah anak tamen keh Sitan, ngan pu'un keh kivu kekat pengeloo' tamen keh. Jin bu'un-bu'un sahau péh Sitan mematai kelunan, bé' éh keloo' alaa' saa' éh teneng, uban bé' pu'un ineu'-ineu' éh teneng lem néh. Hun néh pané, pu'un éh pané kenyo awah, pohoo' néh kenyo, ngelayau éh kenyo kenat, ngan inah éh tamen kekat kelunan éh kenyo.

PENGANEU' LAWAH 13:10

ke' néh bara' ngan néh, ka' ha' néh, Anak Sitan ka'au', ka'au' penoo' neu' kekat arong kesa'at awah, ka'au' ngelawan tong kekat éh jian, ka'au' juk maneu' kekat ha' Tuhan éh teneng malui ha' kenyo awah.

1 TESALONIKA 1:10

Irah péh bara' ka'ah mena penyavéé' Anak Allah jin seruga, inah éh Yésus éh lepah pebetéé' Allah jin patai Néh. Yésus nah éh ngelepu uleu' jin kemerek Allah éh juk avéé'.

IBRANI 6:18

Duah ha' iteu' bé' omok paléu inah éh jajii' Néh ngan ha' supa Néh. Bé' Allah omok kenyo tong Néh. Uban kenat uleu' éh lepah tai tavin éh dokoo' alaa' Iah singau lu' uleu' senohoo' dokoo' ngamit reken pengepelum éh pu'un saa' tenah lu'.

1 YOHANES 3:8

Kelunan éh petem maneu' penyala', iah anah Sitan, uban jin bu'un sahau Sitan nah maneu' penyala'. Inah maneu' Anak Allah tuai ke' Néh kebéé kekat penganeu' Sitan.