LUKAS 3:23 - Rengah Jian

²³ La'ah tong bu'un Yésus tai maneu' kereja' Néh, ngioo' urip néh tong keteleu' poloo' ta'un inah Éh tai. La'ah éh kenioo' kelunan, Yésus nah anak Yusup éh anak Éli.

LUKAS 3:23 Iomraidhean Croise

MATIUS 1:1

Iteu' ngaran irah éh tepun Yésus Kristus éh jin pohoo' Daud, ngan iah ke' éh jin pohoo' Abraham.

MATIUS 1:16

Yakub tamen Yusup éh lakei' Meriam éh tinen Yésus éh nateng réh Kristus.

MATIUS 1:6

Isai tamen raja' Daud. La'ah Daud tamen Salomo, tinen néh Uban do Uria.

MATIUS 13:55

Bé' énéh éh anak tukeng kayeu' rai? Kineu', bé' éh Meriam tinen néh, ngan padéé' néh Yakub ngan Yusup ngan Simon ngan Yudas rai?

MATIUS 4:17

Jin la'o Yésus tai leboo' Kapernaum, inah éh bu'un néh maneu' kereja' néh éh nebaraa' kelunan. Ka' ha' néh, Piso keh jin penyala' keh, uban jaka' Allah Pengeja'au lepah danii', ha' néh.

MARKUS 6:3

Bé' énéh iah éh tukeng kayeu' ri' da', éh tinen néh Meriam ngan padéé' néh Yakub ngan Yoses ngan Yudas ngan Simon. Bé' enéh padéé néh redo éh mokoo' ngan lu' siteu' nah? Ha' réh. Uban réh seruh Iah kelunan adek ke' awah, inah irah bé' keloo' alaa' Iah.

LUKAS 2:48

Tamen tinen Néh péh béé kenin na'at Éh kenat. Ha' tinen Néh ngan Néh, Nak, uban ineu' Ke' maneu' kenat? Tusah kenin amo tamam pitah Ke' kenat ne', ha' néh ngan Néh.

LUKAS 3:31

Elyakim inah anak Melea, Melea inah anak Mina, Mina inah anak Matata, Matata inah anak Natan, Natan inah anak Daud,

LUKAS 4:22

Kekat kelunan jian kenin réh ngan Néh, béé kenin réh menéng ha' tebaraa' Néh éh jian éh benara' Néh. Boh irah bara' ka', Kineu', bé' énéh anak Yusup, ha' réh.

YOHANES 1:45

Boh Pilipus tai pitah Natanael ke' néh bara' ka' ngan néh, Améé' lepah temeu' ngan Iah éh benara' Musa lem surat néh sahau, ngan éh benara' irah éh nabi. Kelunan éh nebaraa' réh inah, Yésus éh, Éh anak Yusup éh jin leboo' Nasaret, ha' Pilipus.

YOHANES 6:42

Ha' réh kepéh, Kelunan iteu' Yésus ngaran Néh éh anak Yusup rai. Malai lu' ngan tinen tamen Néh, kineu' Iah bara' Iah tuai jin seruga, ha' réh.

PENGANEU' LAWAH 1:1

O Tiopilus, lem surat éh pekateu' ké' lepah rai, pu'un ku' bara' tong kekat penyuai ngan tong ha' tebaraa' éh benara' Yésus jin bu'un kereja' Néh,