LUKAS 3:16 - Rengah Jian

¹⁶ Uban réh seruh éh kenat, inah Yohanes pané ngan réh, Akeu' éh ngebatis ka'ah dalem baa', bang pu'un jah kelunan éh saa' murin iteu' kepéh éh juk ngebatis keh neu' Sahéé' Ni'ai ngan luten néh. Kelunan inah éh pelapah ja'au jin akeu', la'ah usah ké' péh bé' tekep muka talei' kasut Néh.

LUKAS 3:16 Iomraidhean Croise

MATIUS 3:11

Mu'un akeu' ngebatis ka'ah lem baa' dokoo' néh pepoléng ka'ah lepah piso jin penyala' keh, bang pu'un jah usah éh juk tuai jin la'o ké' iteu', iah juk ngebatis ka'ah neu' Sahéé' Ni'ai ngan luten. Iah éh pelapah ja'au ngaran jin akeu', Sapét kasut néh péh bé' ku' tekep mihin.

MATIUS 3:12

Iah ngamit tapan néh ke' néh napan kekat parai ke' néh tipun kekat lo'ong néh dalem luvung néh, bang kekat éh upih néh, notong néh tong luten éh bé' omok pata', ha' néh.

YOHANES 1:26

Ha' Yohanes mipa réh, Akeu' mebatis kelunan lem baa' awah, bang belah ka'ah siteu' pu'un jah kelunan bé' ka'ah jam Éh.

YOHANES 1:27

Pu'un Éh tuai jin la'o ké' bang bé' ku' tekep muka talei' kasut Néh, ha' néh.

YOHANES 1:33

Tovoo' inah péh bé' ku' jam Éh séé' kelunan inah, bang Allah éh nyohoo' ku' tuai ngebatis kelunan lem baa', pu'un Éh bara' ka' ngan ké', Tong séé' Sahéé' Ni'ai tai mokoo', jian ke' nesen Kelunan inah Éh omok mebatis kelunan neu' Sahéé' Ni'ai, ha' Allah ngan ké' rai de'.

YOHANES 7:38

Séé'-séé' éh ngelan tong Akeu', iah pu'un barei' jah anak baa' éh bé' omok metei', pu'un baa' éh purip musit jin kenin néh pekua' ha' lem surat Allah éh pu'un bara' éh, ha' Néh.

PENGANEU' LAWAH 1:5

Uban pu'un Yohanes ngebatis kelunan lem baa', bang ka'ah juk benatis lem Sahéé' Ni'ai bé' lebéé' la'ah, ha' Yésus ngan réh.

PENGANEU' LAWAH 10:44

Lem Péterus to pané ngan réh, pu'un Sahéé' Ni'ai tuhun tong kekat irah éh pu'un menéng ha' néh inah.

PENGANEU' LAWAH 2:33

La'ah Iah pu'un netéé' saa' na'au' Allah, ngan pu'un Éh alaa' Sahéé' Ni'ai éh pejajii' Tamen Néh ngan Néh lepah nah, éh ta'an keh ngan éh nenéng keh hun iteu', inah néh éh Sahéé' Néh éh nena' Néh ngan uleu' kepéh.

1 KORINTUS 12:13

Kenat péh kekat uleu' béé pu'un petem jah usah awah. Kenat péh irah Yahudi kenat péh irah éh tengéé' pohoo', kenat péh kelunan ripen, kenat péh kelunan éh bé' ripen. Sahéé' Allah éh maneu' uleu' petem jah awah, uleu' pu'un petem dalem Kristus neu' Sahéé' Allah éh jah awah, ngan Sahéé' Allah inah pu'un petem dalem kenin uleu' béé.