LUKAS 3:13 - Rengah Jian

¹³ Ha' Yohanes mipa réh, Mai keh menyat livah kelunan mutaa' jin éh tekep nalaa' keh, ha' néh.

LUKAS 3:13 Iomraidhean Croise

MATIUS 7:12

Ha' Yésus kepéh, Jian keh maneu' ngan kelunan pekua' éh keneloo' keh naneu' kelunan éh jah tong Ka'ah. Uban iteu' néh sin ha' lem Surat Musa ngan ha' tebaraa' irah Nabi-Nabi sahau ha' Néh.

LUKAS 19:8

La'ah nekedéng Sakheus ke' néh bara' ngan Tuhan, ka' ha' néh, O lakei' ja'au, akeu' juk petulat kekat livah ké' pekua' kekat éh anah ké', kenat péh éh nena' ké' ngan kelunan kari. Inah kepéh akeu' juk mena' éh pat kekat tulat ngan kelunan éh jalan ké' kenyo ngan alaa' livah néh awah rai, ha' néh.

LUKAS 3:12

La'ah pu'un irah kelunan kepéh éh alaa' sukai tai tavin Yohanes ke' réh menyat éh ngebatis réh. Ka' ha' réh neteng éh, O guru, ineu' éh tekep ke' mé' maneu? Ha' réh ngan néh.

LUKAS 3:14

Pu'un irah seradu kepéh neteng Yohanes, ka' ha' réh ngan néh, Kineu' lah améé'? Ineu' éh tekep ke' mé' maneu'? Ha' réh. Ha' néh mipa réh, Mai keh ngedai kelunan dokoo' keh omok alaa' livah réh pinaa', bang jian keh alaa' éh sukup tong gaji keh nah, ngan jian kenin. Mai keh magat juk alaa' éh pelapah pinaa' jin inah, ha' néh.

1 KORINTUS 6:10

ngan kelunan nekau, ngan kelunan éh magat juk alaa' mekum, ngan kelunan mavuk, ngan kelunan éh pesala' kelunan éh jah, ngan kelunan éh ngelapah sohoo', kekat irah éh maneu' kenat bé' omok alaa' Allah pengeja'au réh ngan tai lem nihau Néh.

ÉPESUS 4:28

Kelunan éh pu'un nekau lepah rai, mai éh nekau kepéh, bang jian éh kereja' dokoo' néh omok tagong usah néh ngan pu'un palaa' kepéh ke' Néh nolong kelunan éh kari mu'un.

IBRANI 12:1

La'ah uban pu'un kelunan pinaa' nah éh tutuh lu' éh omok nelana' bara' tong pengelan réh tong Allah, jian uleu' bet kekat éh nebii' lu' éh bahat ngan bet kekat penyala' éh maneu' lu' tekaleu' ngan saveng, dokoo' lu' omok petakéé' nekedeu' mu'un-mu'un mapun éh saa' tenah lu'.