LUKAS 3:11 - Rengah Jian

¹¹ Ha' Yohanes ngan réh kepéh, Kelunan éh pu'un duah kerayung, jian éh mena' jah ngan kelunan éh bé' pu'un kerayung, kenat péh kelunan éh pu'un ka'an, jian éh petulat ka'an inah ngan irah éh bé' pu'un ka'an, ha' néh.

LUKAS 3:11 Iomraidhean Croise

MATIUS 25:40

Boh Raja' juk mipa ha' réh kepéh, ka', Akeu' bara' ngan keh, siget-siget koléé' hun keh nolong irah éh padéé' ké' iteu', na' péh réh si'ik mu'un, inah seleket keh nolong usah ké' mu'un. Kenat ha' ké' ngan réh, ha' Yésus nah.

LUKAS 11:41

Jian keh mena' kekat éh pu'un lem sawan ngan pigan keh ngan kelunan kari, boh kekat inah pu'un mebéng, ha' Néh ngan réh.

LUKAS 18:22

Hun Yésus menéng ha' néh pané kenat, boh éh bara' ngan néh kepéh, Jah awah la'ah éh tekep ke' maneu', jian ke' melih kekat livah éh anah ko' ngan mena' kekat rigit éh nalaa' ko' tong néh ngan kelunan kari, boh ke' pu'un pengekaya' tong seruga, la'o inah jian ke' tuai kivu Akeu', ha' Yésus ngan néh.

LUKAS 19:8

La'ah nekedéng Sakheus ke' néh bara' ngan Tuhan, ka' ha' néh, O lakei' ja'au, akeu' juk petulat kekat livah ké' pekua' kekat éh anah ké', kenat péh éh nena' ké' ngan kelunan kari. Inah kepéh akeu' juk mena' éh pat kekat tulat ngan kelunan éh jalan ké' kenyo ngan alaa' livah néh awah rai, ha' néh.

YOHANES 13:29

Jelua' seruh uban Yudas mihau bék jalan réh modoo' rigit réh, barang Yésus nyohoo' éh tai melih ka'an éh tekep réh kuman tong Dau Ja'au réh. Jelua' kelunan kepéh seruh barang Yésus nyohoo' éh mena' rigit ngan kelunan kari péh.

PENGANEU' LAWAH 10:2

Lakei' inah gahang kivu sebayang, usah néh tengéé' péh kenat péh irah panak néh seva' Allah. La'ah ja'au mu'un pengena' néh ngan kelunan Yahudi éh kari, ngan ngelayau éh sebayang ngan Allah.

PENGANEU' LAWAH 10:31

ka' ha' néh ngan ké', O Kornelius, kekat ha' sebayang ko' ngan kekat penganeu' ko' ngan kelunan kari, Allah lepah jam éh ngan Iah juk mipa ha' sebayang ko'.

PENGANEU' LAWAH 10:4

Medai mu'un-mu'un éh na'at meliket nah. Ka' ha' néh ngan meliket nah, O lakei' ja'au, ineu' juk neu' ko', ha' néh. Ka' ha' meliket nah kepéh, Kekat ha' sebayang ko' ngan kekat penganeu' ko' ngan kelunan kari, Allah lepah jam éh, ngan Iah juk mipa ha' sebayang ko'.

ÉPESUS 4:28

Kelunan éh pu'un nekau lepah rai, mai éh nekau kepéh, bang jian éh kereja' dokoo' néh omok tagong usah néh ngan pu'un palaa' kepéh ke' Néh nolong kelunan éh kari mu'un.

1 TIMOTIUS 6:17

Jian ke' bara' ngan kekat kelunan kaya' mai réh bau kenin, ngan mai réh ngelan tong pengekaya' réh uban bé' réh jam hun mah éh juk béé kepéh. Bang jian réh ngelan tong Allah éh mena' kekat ineu'-ineu' ngan lu' ngan mutaa' kepéh dokoo' néh ngejian kenin lu'.

1 TIMOTIUS 6:18

Jian ke' nyohoo' irah kaya' maneu' jian, ngan barei' kaya' lem kereja' réh éh jian. Jian irah petulat éh nalaa' réh ngan irah éh kari ngan jian kenin.

IBRANI 6:10

Allah nah bé' éh bé' teneng. Iah bé' ngelepan ineu' éh lepah neu' keh ngan Néh kenat péh penika keh éh pepoléng keh ngan Néh hun keh nolong irah éh ngelan tong Tuhan lepah rai kenat pu'un avéé' hun iteu'.

YAKUB 1:27

Kelunan éh ngepayoo' kenin Allah Tamen lu', inah éh kelunan éh kivu Iah mu'un, bé' éh ngelayoo' awah sebayang. Jian réh nolong anak uyau ngan redo baleu' lem kekat penusah réh ngan mihau usah réh jin kekat arong kesa'at tong tana' iteu'.

YAKUB 2:14

O kekat padéé' ké' bé' pu'un gunah néh hun jah kelunan Kristén bara' Akeu' ngelan tong Tuhan ha' hun penganeu' néh bé' pekua' ngan pengelan néh inah. Pengelan éh kenat bé'omok purip éh.

1 YOHANES 3:17

Hun pu'un kelunan éh pu'un livah na'at padéé' néh éh kari éh tekep tenolong néh bang bé' iah keloo' nolong padéé néh inah, kineu' jalan iah omok bara' iah pu'un pika Allah.

1 YOHANES 4:20

Hun kelunan bara' iah pika Allah, bang iah leko padéé' néh, kelunan éh kenat kenyo awah, uban bé' iah omok pika Allah éh bé' omok ta'an néh, hun néh bé' pika padéé' néh éh poléng ta'an néh.