LUKAS 24:6 - Rengah Jian

⁶ bé' Éh pu'un siteu' lah, Iah lepah betéé' tenéh. Jian keh seruh ha' Néh ngan keh hun Néh tong tana' Galilia rai,

LUKAS 24:6 Iomraidhean Croise

MATIUS 12:40

Barei' Yunus nah pu'un lem boré seluang ja'au teleu' dau ngan teleu' merem kelebéé', kenat péh Anak Kelunan kepéh juk pu'un lem tana' mu'un teleu' dau ngan teleu' merem kelebéé'.

MATIUS 16:21

Jin la'o inah, inah éh bu'un Yésus pané petek ngan irah bakéh néh bara' tong pematai néh, ka' ha' néh, Adang tekep Ku' tai leboo' Yérusalem ngan jam keta mu'un neu' irah pengeja'au Kemiti Yahudi ngan neu' irah pengeja'au imam ngan neu' irah guru éh nebaraa' tong sohoo' lem Surat Musa. Adang réh pu'un mematai Akeu' ngan tong keteleu' dau, Tuhan juk pebetéé' Akeu' kepéh, ha' néh.

MATIUS 27:63

ka' ha' réh, O lakei' ja'au, tesen mé' tong ha' lakei' éh kenyo nah hun néh murip keto rai de', ka' ha' néh, La'o teleu' dau Allah juk purip ku' kepéh, ha' néh, ha' réh ngan Pilatus.

MATIUS 28:6

bang bé' éh pu'un siteu' hun iteu', betéé' tenéh éh, barei' ha' néh ngan keh lepah nah. Tuai koh na'at jalan réh modoo' patai néh rai.

MARKUS 16:6

Ka' ha' lakei' inah ngan réh, Mai keh medai! Akeu' jam ka'ah pitah Yésus kelunan Nasaret éh lepah senalib réh rai, Iah bé' pu'un siteu' lepah betéé tenéh Éh. Tuai keh na'at jalan réh modoo' patai Néh rai.

MARKUS 8:31

La'o inah boh Yésus nebaraa' irah bakéh Néh tong kekat pengeketa éh juk teneng tong Iah, ka' ha' Néh, Adang Anak Kelunan teneng tong kuraa'-kuraa' pengeketa, la'ah kekat irah pengeja'au irah Yahudi ngan irah pengeja'au imam, ngan irah guru éh nebaraa' tong Surat Musa, adang réh pu'un maneu' éh, pah avéé' réh mematai éh, ngan la'o teleu' dau adang Iah pu'un betéé' murip kepéh, ha' Néh.

LUKAS 24:34

Boh irah pinaa' nah bara' ngan roh, ka' ha' réh, Adang Yésus lepah betéé' murip, pu'un Simon na'at Éh tenéh, ha' réh.

LUKAS 24:5

Medai mu'un irah redo inah, tioo kuba' réh tong tana' menéng ha' rawah inah bara' ngan réh ka', Uban ineu' ka'ah pitah kelunan éh murip belah irah matai,

LUKAS 9:22

La'ah ha' Néh ngan réh, Adang Anak Kelunan jam keta mu'un neu' irah Kemiti Yahudi, ngan irah pengeja'au imam ngan neu' irah guru éh nebaraa' tong sohoo' lem Surat Musa, kekat réh béé juk mematai Éh. Bang tong keteleu' dau Tuhan juk pebetéé' Iah kepéh, ha' Néh.

LUKAS 9:44

Jian keh mihau tong ha' éh juk benara' Ké' teu' da', inah éh, adang réh pu'un mena' Anak Kelunan lem kamit kelunan, ha' Néh.

PENGANEU' LAWAH 2:24

Bang pu'un Allah pebetéé' Éh jin patai Néh, ngan pu'un Éh ngelepu Éh jin keta pematai bé' pu'un penyukat pematai nah omok magen Éh.

2 TESALONIKA 2:5

Kineu', kelepan keh ha' ké' bara' tong kekat inah ngan keh hun ké' mokoo' keto ngan keh rai kei?