LUKAS 24:51 - Rengah Jian

⁵¹ lem Néh maneu' kenat tong réh, pu'un Éh tioo nalaa' Tuhan tai seruga.

LUKAS 24:51 Iomraidhean Croise

MARKUS 16:19

Jin La'o Yésus pané ngan réh, iah netéé' tai seruga Iah menyun saa' na'au' Tuhan Allah.

LUKAS 24:50

Boh Yésus mihin réh musit jin leboo' inah tai Betania. Boh Éh metéé' ojoo' Néh bau réh ke' Néh sebayang réh,

LUKAS 24:52

Pu'un réh seva' Éh. Moléé' réh tai Yérusalem kepéh ngan murung mu'un-mu'un kenin réh.

YOHANES 20:17

Ka' ha' Yésus ngan néh kepéh, Mai ke' ngamit Akeu', uban bé' jak Ku' pu'un moléé' tai Tamen Ké', bang jian ke' moléé' tai tavin kekat padéé' Ké' ngan bara' ha' Ké' iteu' ngan réh. Pu'un Akeu' moléé' ngan Tamen Ké', éh Tamen ka'ah péh, ngan Allah Ké', éh Allah ka'ah péh, ha' Néh.

PENGANEU' LAWAH 1:9

La'o Néh pané kenat, lem réh kepuh Éh, pu'un Tuhan alaa' Éh tai seruga, ngan pu'un avun mekep Éh jin ta'an réh.

IBRANI 1:3

Pu'un éh pepoléng kekat pengaren ngan pengejian Allah uban Iah péh pekua' ngan Allah. Iah pu'un mihau kekat penyuai Néh tong tana' ngan tong langit palaa' ha' Néh éh pu'un penyukat. La'o Néh maneu' kelunan pelepu jin penyala', Iah menyun tong seruga saa' na'au' Allah Pengeja'au éh matek bau.

IBRANI 4:14

Uban kenat jian uleu' mihau pengelan lu' mu'un tong Tuhan uban uleu' pu'un Imam éh pengeja'au kekat imam éh ja'au, inah éh Yésus éh Anak Allah pu'un éh lepah tai tong jumen Allah mu'un.