LUKAS 24:44 - Rengah Jian

⁴⁴ Boh Éh bara' ka' ngan réh, Kekat éh lepah pu'un hun iteu', inah éh lepah benara' Ké' ngan keh hun Ké' to mokoo' ngan keh rai. Kekat éh senurat réh tong Akeu' éh pu'un lem Surat Musa, kenat péh éh pu'un lem surat irah nabi, kenat péh éh lem surat Masmur, adang kekat ha' éh senurat réh inah, pu'un éh kenat mu'un, ha' Néh.

LUKAS 24:44 Iomraidhean Croise

MATIUS 1:22

La'ah kekat inah pu'un kenat dokoo' néh pesukup kekat ha' Tuhan éh benara' néh ngan irah Nabi néh sahau.

MATIUS 16:21

Jin la'o inah, inah éh bu'un Yésus pané petek ngan irah bakéh néh bara' tong pematai néh, ka' ha' néh, Adang tekep Ku' tai leboo' Yérusalem ngan jam keta mu'un neu' irah pengeja'au Kemiti Yahudi ngan neu' irah pengeja'au imam ngan neu' irah guru éh nebaraa' tong sohoo' lem Surat Musa. Adang réh pu'un mematai Akeu' ngan tong keteleu' dau, Tuhan juk pebetéé' Akeu' kepéh, ha' néh.

MATIUS 26:54

Bang hun Ké' nyohoo' éh kenat, bé' Ku' omok pesukup ha' lem surat Allah éh bara' tong kekat penganeu' réh tong Akeu', ha' néh.

MATIUS 26:56

Bang kekat éh neu' keh teu' pu'un éh kenat dokoo' pepoléng kekat éh benara' irah nabi lem surat réh, pu'un éh teneng kenat mu'un, ha' néh. Boh kekat bakéh néh bet éh tengéé' ke' réh kelap.

MARKUS 9:31

uban Néh to nebaraa' irah bakéh Néh awah. Ka' ha' Néh ngan réh, Adang Anak Kelunan nena' lem kamit kelunan éh jah ke' réh mematai éh, la'ah la'o teleu' dau réh mematai Éh kenat, Tuhan pu'un pebetéé' Éh jin patai, ha' Néh ngan réh.

LUKAS 21:22

Uban sioo' inah, inah sioo Tuhan ngukum réh, dokoo' néh pesukup ha' lem surat Tuhan.

LUKAS 22:37

Hun iteu' Akeu' bara' kenat ngan ka'ah uban kekat ha' lem surat Allah éh bara', Pu'un irah maneu' éh pekua' irah éh pu'un penyala' mu'un, kekat ha' inah pu'un éh teneng tong Akeu' mu'un. Uban kekat éh lepah senurat réh tong Akeu', adang néh pu'un avéé' tong Akeu' pekua' éh senurat réh kenat, ha' Yésus ngan réh.

LUKAS 24:46

ka' ha' Néh ngan réh, Pu'un ha' lem surat Allah éh bara', Adang Kristus sioo' keta ngan matai, ngan tong keteleu' dau adang Néh betéé' murip kepéh.

LUKAS 9:22

La'ah ha' Néh ngan réh, Adang Anak Kelunan jam keta mu'un neu' irah Kemiti Yahudi, ngan irah pengeja'au imam ngan neu' irah guru éh nebaraa' tong sohoo' lem Surat Musa, kekat réh béé juk mematai Éh. Bang tong keteleu' dau Tuhan juk pebetéé' Iah kepéh, ha' Néh.

LUKAS 9:44

Jian keh mihau tong ha' éh juk benara' Ké' teu' da', inah éh, adang réh pu'un mena' Anak Kelunan lem kamit kelunan, ha' Néh.

YOHANES 3:14

Ka' ha' Yésus kepéh, Barei' Musa metéé' torok temagaa' tong kayeu' hun néh pu'un tong tana' pegawa sahau rai, kenat péh tekep Anak Kelunan netéé' réh kepéh,

YOHANES 5:39

Pu'un keh pekalai tong surat Allah, uban keh seruh neu' kekat ha' tebaraa' inah, adang keh omok alaa' urip pelinguh. Kekat ha' lem surat Allah pu'un éh bara' tong Akeu',

YOHANES 5:46

Bang hun keh pu'un ngelan tong ha' Musa mu'un, adang keh pu'un ngelan tong Akeu' kepéh, uban Musa nah lepah nyurat bara' tong Akeu'.

PENGANEU' LAWAH 13:33

pu'un Éh lepah pesukup éh ngan uleu' éh anak-ayam réh kepéh, uban pu'un Éh pebetéé' Yésus jin patai Néh. Barei' ha' éh lepah senurat lem surat Masmur tulat duah, ka' éh. Ka'au' éh Anak ké', dau iteu' Akeu' bara' ngan kekat kelunan Akeu' éh Tamen Ko', ha' Néh.

PENGANEU' LAWAH 13:40

Uban néh kenat mavaa' keh jian-jian, dai ka'ah pu'un barei' ha' éh lepah senurat lem surat irah nabi, ka' ha' réh.

PENGANEU' LAWAH 2:27

Bé' Ke' kejeraa' sahéé' ké' mokoo' tong jalan patai. Bé' Ke' kejeraa' Anak Ko' éh ni'ai borok awah.

PENGANEU' LAWAH 3:18

Bang lebéé' tenéh pu'un Allah bara' neu' kekat nabi Néh, Kristus éh tuai ke' Néh purip kelunan adang Néh juk jam keta. La'ah kekat éh neu' keh nah, inah éh pesukup ha' éh benara' Tuhan kenat nah.

PENGANEU' LAWAH 7:37

La'ah Musa nah, pu'un éh bara' ka' ngan pohoo' Israel, Allah juk nyohoo' jah nabi tai ngan keh ke' néh omok bara' kenin Tuhan ngan keh, éh jin pohoo' keh tengéé', barei' néh mena' akeu' iteu' ngan keh rai, kenat ha' Musa, ha' Stepanus nah.

IBRANI 10:1

Sohoo' lem Surat Musa, bé' éh jah layan éh kelo'ong ngan sukup mu'un, tong ineu'-ineu' éh semu'un néh, bang inah barei' kuyuh kekat éh jian éh juk avéé' kepéh, siget-siget taun irah mematai ka'an ke' réh mena' éh ngan Allah bang inah bé' omok mega' penyala'.

IBRANI 3:5

Musa tigéh barei' kelunan sohoo' dalem Umaa' Allah. Iah bara' tong kekat éh juk benara' Allah jaka' temurei' kepéh.

IBRANI 7:1

Imam Melkisedek iah éh raja' Salem ngan imam Allah éh matek bau. Tovoo' Abraham moléé' jin pekayau la'o néh nyopéé' pat raja', Melkisedek petemeu' ngan néh ngan menyat Allah mena' pengejian ngan néh.

IBRANI 9:8

Kelebéé' Retek Ni'ai pu'un penakai réh, inah Sahéé' Ni'ai pu'un bara', bé' jak pu'un jalan dokoo' kelunan pinaa' omok tai Retek Ni'ai Mu'un, inah éh bé' réh omok tioo tai tong jumen Tuhan mu'un.

1 PÉTERUS 1:11

Sahéé' Kristus pu'un dalem irah nabi ngan sahéé' inah pu'un bara' tong pengeketa éh tekep teneng tong Kristus ngan tong Allah pu'un ngajung Iah kepéh. Irah nabi gahang kenin tatek hun néh pu'un kenat da'.

ÉH POLÉNG 19:10

Akeu' ngejekuu' lep ké' déhéé' gem néh juk seva' éh, bang ha' néh ngan ké', Mai ke' seva' akeu', akeu' péh kelunan sohoo' barei' ka'au' ngan kekat irah padéé' ko', inah éh irah éh bé' putui pengelan bang éh ngelan tong Yésus ngan mihau ha' tebaraa' éh teneng éh benara' Yésus. Jian ke' seva' Allah, ha' néh. Uban pengeteneng éh benara' Yésus pu'un éh ngusii' kenin kelunan éh bara' ha' Tuhan ngan kelunan.