40 Boh Yésus bara' ojoo' Néh ngan gem Néh ngan réh.
Jian keh na'at ojoo' ngan gem Ké', boh keh jam éh Akeu' mu'un, jian keh ngamit usah Ké' boh keh jam Ku', uban beru'en bé' éh pu'un sin ngan tulang barei' tulang ngan usah ké' iteu', ha' néh ngan réh.
Irah barei'-okoo' nyupin éh uban réh murung mu'un-mu'un ngan béé kenin réh. Boh Yésus neteng réh, ka' ha' Néh, Kineu', pu'un ka'an kinan keh siteu', ha' Néh.
La'o Néh pané kenat, pu'un Éh bara' ojoo' Néh ngan suhat tegahang Néh ngan réh. Murung mu'un réh na'at Tuhan.
Ka' ha' Néh ngan Tomas, Jian ke' na'at ojoo' Ké' ngan masek buaa' ojoo' ko' tong suhat ojoo' Ké' ngan masek ojoo' ko' tong suhat tegahang Ké' iteu'. Mai ke' putui pengelan, jian ke' ngelan, ha' Néh.
