LUKAS 24:27 - Rengah Jian

²⁷ Boh Yésus nebaraa' roh tong kekat ha' lem surat Allah éh bara' tong usah Néh, éh bu'un Néh bara' éh jin ha' lem Surat Musa, pah avéé' tong kekat surat irah nabi Tuhan.

LUKAS 24:27 Iomraidhean Croise

MARKUS 4:34

Siget koléé' Iah nebaraa' réh Iah nebaraa' réh palaa' ha' tapan, bang hun néh Iah tengéé' pu'un ngan irah bakéh Néh, boh Éh pané petek ngan réh.

LUKAS 24:25

La'ah ka' ha' Yésus ngan roh, Mujah ka'ah uban keh bé' ngelan kekat éh benara' irah nabi Tuhan ngan kelunan sahau rai.

LUKAS 24:44

Boh Éh bara' ka' ngan réh, Kekat éh lepah pu'un hun iteu', inah éh lepah benara' Ké' ngan keh hun Ké' to mokoo' ngan keh rai. Kekat éh senurat réh tong Akeu' éh pu'un lem Surat Musa, kenat péh éh pu'un lem surat irah nabi, kenat péh éh lem surat Masmur, adang kekat ha' éh senurat réh inah, pu'un éh kenat mu'un, ha' Néh.

YOHANES 1:45

Boh Pilipus tai pitah Natanael ke' néh bara' ka' ngan néh, Améé' lepah temeu' ngan Iah éh benara' Musa lem surat néh sahau, ngan éh benara' irah éh nabi. Kelunan éh nebaraa' réh inah, Yésus éh, Éh anak Yusup éh jin leboo' Nasaret, ha' Pilipus.

YOHANES 12:41

Pu'un Yesaya pané kenat uban néh na'at tong pengaren Yésus ngan pu'un éh bara' tong Yésus.

YOHANES 5:37

La'ah Tamen Ké' éh nyohoo' Akeu' tuai, Iah péh bara' Akeu' éh Anak Néh. Jah-jah koléé' péh bé' keh pu'un menéng ha' Néh, ngan jah-jah koléé' péh, bé' éh poléng ta'an keh,

YOHANES 5:39

Pu'un keh pekalai tong surat Allah, uban keh seruh neu' kekat ha' tebaraa' inah, adang keh omok alaa' urip pelinguh. Kekat ha' lem surat Allah pu'un éh bara' tong Akeu',

PENGANEU' LAWAH 10:43

Kekat nabi Tuhan sahau, pu'un réh bara' tong Néh hun réh bara', séé'-séé' éh ngelan tong Yésus, omok Tuhan mega' penyala' réh neu' penyukat ngaran Néh, ha' Péterus ngan réh.

PENGANEU' LAWAH 3:18

Bang lebéé' tenéh pu'un Allah bara' neu' kekat nabi Néh, Kristus éh tuai ke' Néh purip kelunan adang Néh juk jam keta. La'ah kekat éh neu' keh nah, inah éh pesukup ha' éh benara' Tuhan kenat nah.

PENGANEU' LAWAH 3:22

Uban ka' ha' éh benara' Musa sahau, Tuhan Allah juk nyohoo' jah nabi tai ngan keh barei' Néh mena' akeu' iteu' ngan keh rai. Kelunan éh juk sohoo' Néh nah jin pohoo' keh tengéé'. Hun Néh pu'un avéé' da', jian keh menéng kekat ha' éh benara' Néh ngan keh.

PENGANEU' LAWAH 3:24

Ka' ha' Péterus kepéh, Bé' éh Musa awah éh bara' éh kenat, Samuel péh, ngan kekat nabi sahau la'o Samuel péh, irah péh pu'un bara' éh kenat. Kekat éh benara' réh sahau nah lepah avéé' lem urip lu' hun iteu'.

PENGANEU' LAWAH 7:37

La'ah Musa nah, pu'un éh bara' ka' ngan pohoo' Israel, Allah juk nyohoo' jah nabi tai ngan keh ke' néh omok bara' kenin Tuhan ngan keh, éh jin pohoo' keh tengéé', barei' néh mena' akeu' iteu' ngan keh rai, kenat ha' Musa, ha' Stepanus nah.

PENGANEU' LAWAH 8:35

Pelapah Pilipus nebaraa' éh, éh bu'un néh iah nebaraa' éh jin tebaraa' éh penurung néh iri', pah avéé' tong Rengah Jian tong Yésus.

ÉH POLÉNG 19:10

Akeu' ngejekuu' lep ké' déhéé' gem néh juk seva' éh, bang ha' néh ngan ké', Mai ke' seva' akeu', akeu' péh kelunan sohoo' barei' ka'au' ngan kekat irah padéé' ko', inah éh irah éh bé' putui pengelan bang éh ngelan tong Yésus ngan mihau ha' tebaraa' éh teneng éh benara' Yésus. Jian ke' seva' Allah, ha' néh. Uban pengeteneng éh benara' Yésus pu'un éh ngusii' kenin kelunan éh bara' ha' Tuhan ngan kelunan.