LUKAS 24:26 - Rengah Jian

²⁶ Kineu' éh seneruh ka'ah, bé' éh tekep Kristus jam keta ngan alaa' pengejian Néh kepéh, ha' Yésus.

LUKAS 24:26 Iomraidhean Croise

LUKAS 24:44

Boh Éh bara' ka' ngan réh, Kekat éh lepah pu'un hun iteu', inah éh lepah benara' Ké' ngan keh hun Ké' to mokoo' ngan keh rai. Kekat éh senurat réh tong Akeu' éh pu'un lem Surat Musa, kenat péh éh pu'un lem surat irah nabi, kenat péh éh lem surat Masmur, adang kekat ha' éh senurat réh inah, pu'un éh kenat mu'un, ha' Néh.

LUKAS 24:46

ka' ha' Néh ngan réh, Pu'un ha' lem surat Allah éh bara', Adang Kristus sioo' keta ngan matai, ngan tong keteleu' dau adang Néh betéé' murip kepéh.

LUKAS 24:7

ka' ha' Néh rai de', Anak Kelunan nena' réh lem kamit kelunan éh sa'at dokoo' réh mematai Éh tong kayeu' salib, ngan tong keteleu' dau adang Iah betéé' ngan murip kepéh, ha' Néh ngan keh lepah rai de', ha' roh ngan réh.

YOHANES 2:22

Hun Yésus lepah betéé' murip jin patai Néh, boh irah bakéh Néh nesen tong ha' Néh inah, ngan pu'un réh ngelan tong ha' lem surat Allah ngan kekat éh benara' Yésus nah.

YOHANES 20:9

Bé' jak irah nesen tong ha' lem surat Allah éh bara', adang Yésus pu'un betéé' jin patai Néh.

PENGANEU' LAWAH 17:3

Iah bara' éh lenaa' mu'un, adang éh tekep Kristus keta ngan betéé' jin patai Néh. Ka' ha' néh, Yésus éh benara' ké' ngan keh, adang néh Iah ké' éh Kristus, ha' néh.

IBRANI 12:2

Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

1 PÉTERUS 1:11

Sahéé' Kristus pu'un dalem irah nabi ngan sahéé' inah pu'un bara' tong pengeketa éh tekep teneng tong Kristus ngan tong Allah pu'un ngajung Iah kepéh. Irah nabi gahang kenin tatek hun néh pu'un kenat da'.

1 PÉTERUS 1:3

Jian lu' bara' jian kenin ngan Allah, Tamen Tuhan lu' Yésus Kristus! Uban Iah pika uleu' mu'un, Iah mena' urip maréng ngan lu', neu' Néh pebetéé' Yésus Kristus jin patai Néh. Iteu' omok mena' pengepelum éh reken ngan lu'.