LUKAS 24:19 - Rengah Jian

¹⁹ Boh Yésus neteng éh, ka' ha' Néh, Penusah ineu' éh, ha' Néh. Ha' rawah mipa éh, Kekat réh maneu' Yésus éh jin Nasaret. Kelunan éh neu' réh inah, nabi Tuhan. Kekat ha' tebaraa' ngan kekat penganeu' Néh pu'un éh ngan penyukat, kenat éh tong ta'an Allah, kenat péh éh tong ta'an kekat kelunan pinaa' péh.

LUKAS 24:19 Iomraidhean Croise

MATIUS 21:11

Irah pinaa' éh kivu éh tai leboo' Yérusalem nah mipa ha' réh, ka' ha' réh, Jah nabi, Yésus ngaran néh, éh jin leboo' Nasaret tong tana' Galilia, ha' réh.

MARKUS 1:24

ka'au' Yésus éh jin Nasaret, ineu' juk neu' Ko' tong améé' tu' da'? Ko' juk kebéé mé' énéh da'? Akeu' jam Ka'au', Ka'au' néh éh Lawah éh ni'ai jin Allah, ha' néh.

LUKAS 24:18

Pu'un jah usah jin belah roh ngaran néh Kelopas, iah neteng Yésus ka', Jin semah ke' ke' ko' bé' jam kekat penusah éh lepah pu'un tong Yérusalem iteu' dalem duah-teleu' dau iteu' ri', ha' néh ngan Yésus.

LUKAS 7:16

Kekat kelunan pinaa' nah medai, irah pu'un mejing Allah. Ha' réh, Pu'un jah nabi belah tam siteu', ja'au mu'un penyukat Néh, ngan inah kepéh, Allah pu'un tuai ngan pepoléng penika Néh ngan kelunan éh anah nah, ha' réh.

YOHANES 3:2

Sioo' jah merem tai éh tavin Yésus ngan bara' ngan Néh, O Guru, kejam mé' Ka'au jah guru éh senohoo' Allah, uban bé' pu'un jah usah péh éh omok maneu' kekat telana' éh ja'au barei' éh neu' Ko' nah hun Allah bé' pu'un ngan néh, ha' néh.

YOHANES 4:19

La'ah ka' ha' redo inah kepéh, O lakei' ja'au, kejam ké' Ka'au éh jah nabi.

YOHANES 6:14

Tovoo' irah na'at telana' naneu' Yésus ja'au mu'un kenat, boh réh bara' ka', Adang kelunan iteu' Iah éh Nabi éh pejajii' Tuhan tuai tong tana', ha' réh.

YOHANES 7:52

Ha' réh mipa éh, kineu' ka'au', kelunan jin Galilia pekua' barei' Iah, jian ke' pekalai tong ha' tebaraa' Allah, boh ke' omok jam bé' pu'un jah Nabi Tuhan tuai jin Galilia, ha' réh.

PENGANEU' LAWAH 10:38

Pu'un keh jam kepéh Allah mena' Sahéé' Ni'ai ngan penyukat Néh ngan Yésus. Pu'un Yésus lakau semah-semah péh ke' Néh nolong kelunan ngan ngelepu irah éh keripen Sitan, uban Allah pu'un ngan néh.

PENGANEU' LAWAH 2:22

Ka' ha' Péterus kepéh, O kelunan Yahudi, menéng keh, Yésus éh jin Nasaret nah, pinaa' penganeu' Néh éh ja'au tong tana' iteu', neu' kekat penganeu' Néh kenat inah jalan Allah pekelenaa' Iah pu'un tuai jin Allah. Uban neu' penyukat Allah, pinaa' arong penganeu' Yésus éh ngebéé kenin kelunan ngan éh pekelenaa' penyukat Néh. Ka'ah péh jam éh pu'un kenat, uban Néh maneu' éh kenat tong ta'an uleu' siteu' rai.

PENGANEU' LAWAH 7:22

La'ah irah nebaraa' Musa tong kekat éh pengejam kelunan Mesir, pah avéé' néh kelunan ja'au éh jam seruh, ngan teneng mu'un kekat penganeu' néh kepéh, ha' néh.