LUKAS 23:41 - Rengah Jian

⁴¹ Bé' irah sala' maneu' toh kenat, uban neu' kesa'at toh. Bang tong lakei' inah bé' pu'un kesa'at ineu'-ineu' neu' Néh, ha' néh.

LUKAS 23:41 Iomraidhean Croise

MATIUS 27:19

La'ah tovoo' Pilatus mokoo' tong lamin besara', pu'un redo néh maneu' surat bara' ngan néh, Mai ke' maneu' ineu'-ineu' tong kelunan inah, bé' pu'un sala' néh, malem rai keta mu'un-mu'un ku' neu' nyupin ké' tong néh, ha' néh.

MATIUS 27:24

Hun Pilatus jam kenin réh kenat, medai éh pané kepéh dai réh betéé' kenin ngan pekayau. Laa' néh baa' ke' néh pohéé' ojoo' néh tong jumen réh béé, ka' ha' néh, Bé' éh akeu' tagong ukum néh iteu', ka'ah éh tagong éh, ha' néh.

MATIUS 27:4

Ka' ha' néh, Ja'au mu'un sala' ké' uban ké' memalo kelunan inah ke' néh kenukum keh matai, bé' iah pu'un maneu' ineu'-ineu' kesa'at, ha' néh. Ha' réh mipa éh, inah Sala' koo' ke', bé' améé' seruh tong inah, ha' réh.

MATIUS 27:54

La'ah pengeja'au seradu ngan irah seradu éh mavaa' Yésus, hun réh jam tegen tana' ngan bateu' ja'au bila' ngan kekat éh jah nah, medai mu'un-mu'un réh. Ka' ha' réh, Adang néh Anak Allah mu'un, ha' réh.

LUKAS 23:40

Boh lakei' éh jah nah kepéh meta' éh pané kenat. Ka' ha' néh, Eii, kineu' ke', bé' ke' medai tong Allah ke' ko' pané kenat. Tuah iteu' pekua' kenukum réh matai.

LUKAS 23:42

Boh éh bara' ngan Yésus kepéh, ka' ha' néh, O Yésus, hun ko' Raja', mai ke' bet akeu', ha' néh.

1 TESALONIKA 2:10

Ka'ah éh jam améé' kenat péh Allah. Barék mé' ni'ai, teneng ngan bé' pu'un sala' ineu'-ineu' belah ka'ah éh ngelan tong Kristus.

YAKUB 4:7

Jian keh mena' usah keh ngan Tuhan. Mejuk Sitan boh iah kelap jin ka'ah.

1 PÉTERUS 1:19

Ka'ah iteu' kelepu Néh neu' penyukat dahaa' Kristus. Iah mena' urip Néh barei' domba éh penatai réh éh pengena' réh ngan Tuhan éh jalan réh omok tavin Tuhan sahau, domba éh matek jian mu'un.

1 PÉTERUS 2:23

Hun réh menoo' Éh bé' Iah nyakat menoo' réh kepéh, hun réh peketa Éh bé' Iah nyulei' kesa'at inah kepéh ngan réh, bang Iah ngelan Allah éh petuneng ngan teneng inah.