LUKAS 23:4 - Rengah Jian

⁴ Boh Pilatus bara' ngan irah pengeja'au imam ngan irah kelunan pinaa' nah kepéh, ka' ha' néh ngan réh, Bé' akeu' jam ineu'-ineu' penyala' Néh éh ke' Néh tekep kenukum, ha' Pilatus.

LUKAS 23:4 Iomraidhean Croise

MATIUS 27:19

La'ah tovoo' Pilatus mokoo' tong lamin besara', pu'un redo néh maneu' surat bara' ngan néh, Mai ke' maneu' ineu'-ineu' tong kelunan inah, bé' pu'un sala' néh, malem rai keta mu'un-mu'un ku' neu' nyupin ké' tong néh, ha' néh.

MARKUS 15:14

Ka' ha' Pilatus kepéh, Ineu' kesa'at naneu' Néh, rih ha' néh. Jaa' jaa' néh réh ngeradau kepéh, Mematai éh tong salib, ha' réh.

LUKAS 23:22

Boh Pilatus neteng réh kepéh, inah keteleu' koléé' néh neteng réh, ka' ha' néh, Ineu' éh kesa'at Néh, ineu' éh neu' Néh. Bé' akeu' jam kesa'at ineu' éh neu' Néh ke' Néh tekep ukum matai, jian ku' nyohoo' kelunan mipok Éh ngan ngelepu Éh awah, ha' néh.

YOHANES 18:38

Boh Pilatus neteng éh kepéh, Ineu' éh teneng nah, ha' néh. Musit Pilatus jin lamin inah kepéh ke' néh pané ngan irah Yahudi, ka' ha' néh, Bé' ku' jam ineu'-ineu' kesa'at Néh éh ké' tekep ngukum Éh matai,

PENGANEU' LAWAH 25:25

Bang bé' ku' jam ineu'-ineu' penganeu' néh éh tekep kelu' mematai éh. Inah kepéh pu'un éh menyat juk tai tong jumen Kaisar, inah akeu' peturut éh tai.

PENGANEU' LAWAH 3:13

Allah éh kenelan tepun lu' Abraham, Ishak ngan Yakub, ngan éh kenelan kekat tepun uleu' éh jah kepéh, Allah inah éh ngajung Anak Néh Yésus. Pu'un keh lepah mena' Éh ngan irah éh pengeja'au keh, ngan hun Pilatus juk ngelepu Éh bé' keh buhaa' éh ngelepu Éh, pu'un keh bet Éh awah.

IBRANI 7:26

Yésus nah, Iah Imam éh pengeja'au kekat imam lu' éh omok nolong lu' mu'un. Iah pu'un ni'ai, bé' pu'un ineu'-ineu' sala' ngan kesa'at lem Néh, tengéé' éh jin pohoo' kelunan penyala', Iah pu'un bau tong seruga ngan kenajung réh.

1 PÉTERUS 1:19

Ka'ah iteu' kelepu Néh neu' penyukat dahaa' Kristus. Iah mena' urip Néh barei' domba éh penatai réh éh pengena' réh ngan Tuhan éh jalan réh omok tavin Tuhan sahau, domba éh matek jian mu'un.

1 PÉTERUS 2:22

Bé' Iah maneu' penyala' ineu'-ineu', ngan bé' pu'un séé'-séé' péh menéng ha' Néh pané kenyo.

1 PÉTERUS 3:18

Éh ke' néh kenat uban Kristus tengéé' matai jah koléé' awah ngan avéé' pelinguh-linguh, dokoo' penyala' lu' omok pega'. Iah bé' pu'un sala' bang matai ngeliwah kelunan éh penyala', dokoo' Iah omok mihin ka'ah tavin Allah. Irah mematai usah Néh bang Iah murip kepéh lem sahéé' Néh.