LUKAS 23:34 - Rengah Jian

³⁴ La'ah Yésus sebayang ngan Tamen Néh, ka' ha' Néh, O Tamen, jian Ke' pika irah uban bé' irah nesen tong penganeu' réh kenat, ha' Néh. Boh irah nyunga' bateu' dokoo' réh petulat pakai Yésus nah.

LUKAS 23:34 Iomraidhean Croise

MATIUS 11:25

La'ah tovoo' inah Yésus sebayang, ka' ha' néh, O Amam, éh Tuhan tong langit ngan tong tana' péh, Akeu' bara' jian kenin ngan Ko' uban kekat éh nelim Ko' jin irah éh pu'un pengejam, pu'un Ke' pepoléng éh ngan irah éh bé' jam seruh éh barei' anak awah.

MATIUS 11:26

O Amam, pu'un Ke' maneu' éh kenat kivu pengeloo' ngan penika Ko' awah, ha' néh.

MATIUS 5:44

Bang iteu' éh ha' Ké' ngan keh hun iteu' kepéh, Jian keh murung kekat ayau keh ngan sebayang menyat Tuhan pika irah éh peketa keh,

MARKUS 15:24

La'ah irah memaku' Éh tong kayeu' salib, ngan petulat livah Néh belah irah ke', ngan irah nyunga' lubun ke' réh omok jam séé' omok alaa' livah Néh inah.

LUKAS 22:42

Ka' ha' sebayang Néh, O Tamen, hun néh lem pengeloo' Ko' mai ke' buhaa' pengeketa iteu' teneng tong Akeu' bang jian éh kivu pengeloo' Ko' awah, ha' sebayang Néh.

YOHANES 17:9

Akeu' sebayang tong irah, bé' Akeu' sebayang tong kekat kelunan tong tana' iteu', bang Akeu' sebayang tong irah éh nena' Ko' ngan Ké' awah uban anah Ko' réh.

YOHANES 19:11

Ka' ha' Yésus mipa éh, Bé' ka'au' tengéé' pu'un penyukat, bang Allah éh kejeraa' ke' maneu' kenat awah, kenat péh kelunan éh mena' Akeu', lem kamit ko' nah, iah éh pelapah ja'au penyala' jin penyala' ko' nah, ha' Néh.

PENGANEU' LAWAH 16:28

Bang Paulus bika' ngan ja'au ha', ka' ha' néh, Mai ke' mematai ka'au' ke', uban kekat améé' béé to de' ke' siteu', ha' néh.

PENGANEU' LAWAH 3:17

Ka' ha' Péterus kepéh, O kekat padéé' ke', kekat penganeu' keh ngan penganeu' irah pengeja'au keh tong Yésus rai, kejam ké' keh pu'un maneu' éh kenat uban keh bé' jak jam éh Iah

PENGANEU' LAWAH 7:60

Iah ngejekuu' lep néh ngan sebayang kepéh ngan ja'au ha', ka' ha' néh, O Tuhan, mai ke' mihau penyala' irah iteu', ha' néh. La'o néh sebayang kenat béé laset néh.

SURAT PAULUS NGAN SIDANG RUM 12:14

Menyat Allah pika kelunan éh peketa ka'ah, oo' mu'un ha' ké' kenat, menyat Iah pika réh, mai menoo' réh.

1 KORINTUS 2:8

Hun réh jam tong pengeloo' kenin Tuhan kenat sahau rai, adang réh bé' mematai Tuhan éh matek maren tong kayeu' salib.

1 KORINTUS 4:12

Mutau mé' kereja' dokoo' tagong usah mé'. Hun kelunan maneu' mé' pu'un mé' mipa réh ngan jian, hun réh peketa mé', améé' ngerera' ngan ngeretep awah.

1 TIMOTIUS 1:13

Hun sahau rai pu'un akeu' pané ngesa'at ngaran Néh, ngan peketa ngan punyat kenin irah éh ngelan tong Iah, seleket ké' maneu' usah Néh mu'un, na' péh kenat pu'un Allah pika akeu', éh ké' maneu' kenat nah uban ké' bé' jak ngelan tong Iah, ngan bé' jak ku' jam tong penganeu' ké' kenat nah sala'.

1 PÉTERUS 3:9

Mai keh mipa kesa'at ngan kesa'at kenat péh mai keh menoo' hun réh menoo' keh; bang jian keh mipa kesa'at palaa' pengejian éh jin Allah. Ka'ah tekep maneu' kenat uban Allah pu'un pejajii' mena' pengejian, tovoo' Néh tebai keh.