LUKAS 23:33 - Rengah Jian

³³ Hun réh avéé' tong tana' éh retek ngaran néh, Tulang Ulun, boh réh memaku' Yésus tong salib, kenat péh rawah éh maneu' sa'at nah, jah usah saa' na'au', jah usah kepéh saa' kabéng Néh.

LUKAS 23:33 Iomraidhean Croise

MATIUS 20:19

ngan mena' éh ngan kelunan éh tengéé' pohoo' ke' réh peja' éh ngan mipok éh ngan mematai éh tong kayeu' salib, bang tong keteleu' dau Tuhan pu'un pebetéé' éh murip kepéh, ha' néh.

MATIUS 26:2

Duah dau la'ah pu'un Dau Ja'au Paska, ngan tovoo' Dau Ja'au inah pu'un kelunan mena' Anak Kelunan ngan réh ke' réh mematai éh tong kayeu' salib, ha' néh.

LUKAS 24:7

ka' ha' Néh rai de', Anak Kelunan nena' réh lem kamit kelunan éh sa'at dokoo' réh mematai Éh tong kayeu' salib, ngan tong keteleu' dau adang Iah betéé' ngan murip kepéh, ha' Néh ngan keh lepah rai de', ha' roh ngan réh.

YOHANES 18:32

Pu'un éh kenat dokoo' pesukup ha' éh benara' Yésus tong jalan néh pu'un matai.

YOHANES 3:14

Ka' ha' Yésus kepéh, Barei' Musa metéé' torok temagaa' tong kayeu' hun néh pu'un tong tana' pegawa sahau rai, kenat péh tekep Anak Kelunan netéé' réh kepéh,

PENGANEU' LAWAH 13:29

La'o réh maneu' kekat éh benara' réh lem surat Tuhan tong jalan réh maneu' Yésus, boh réh petuhun éh jin kayeu' salib ke' réh modoo' Éh lem tanem.

PENGANEU' LAWAH 2:23

La'ah dalem pengeloo' ngan pengejam Allah tengéé' Iah kejeraa' kelunan mena' Yésus ngan keh, la'ah pu'un keh lepah mematai Éh hun keh kejeraa' kelunan éh sa'at mematai Éh tong salib rai.

PENGANEU' LAWAH 5:30

Yésus éh penatai keh tong kayeu' salib rai, Allah éh kenelan tepun lu', Iah éh pebetéé' Éh kepéh jin patai Néh.

GALATIA 3:13

La'ah Kristus lepah ngelepu uleu' jin ukum inah, uban kelunan bé' omok kivu kekat ha' ngan sohoo' lem Surat Musa. Jalan Kristus ngelepu uleu', Iah tagong ukum uleu', usah Néh tengéé' kenukum Tuhan ngeliwah uleu'. Uban pu'un jah ha' lem Surat Allah bara' ka', siget-siget kelunan éh matai tong kayeu' salib pu'un éh kenukum Tuhan, ha' Néh.

1 PÉTERUS 2:24

Kristus tengéé' tagong penyala' uleu' usah Néh tong kayeu' salib, dokoo' uleu' pelepu jin penyukat penyala', ngan murip kivu pengeloo' Allah. Kekat suhat Kristus nah éh peka'o keh.