LUKAS 23:25 - Rengah Jian

²⁵ Pu'un Pilatus ngelepu kelunan éh kevéléé' réh, kelunan inah pu'un lem lamin tutup neu' néh pebetéé' kenin kelunan pinaa' ngan neu' néh mematai kelunan. Kelunan inah éh kelepu Pilatus nah, Yésus nah kenukum néh nena' néh Éh ngan réh ke' réh maneu' Éh kivu pengeloo' réh awah.

LUKAS 23:25 Iomraidhean Croise

MATIUS 27:26

Boh Pilatus ngelepu Barabas ngan nyohoo' kelunan mipok Yésus ngan mena' éh ngan réh ke' réh nyalib éh tong kayeu' salib.

MARKUS 15:15

La'ah uban Pilatus juk ngejian kenin réh, iah ngelepu Barabas mena' éh ngan réh. Boh éh nyohoo' réh mipok Yésus ngan mihin éh ke' réh mematai éh tong kayeu' salib.

LUKAS 23:2

ke' réh maneu' Éh ngan pesala' Éh tong jumen Pilatus nah. Ka' ha' réh ngan Pilatus, Pu'un améé' ngamit kelunan iteu' uban Néh petawang pohoo' améé'. Uban pu'un Éh bara', Mai réh mena' sukai ngan raja' Rum. Uban Iah Éh pengeja'au kunah Néh, ngan ha' Néh kepéh, Iah éh Kristus Raja' améé', kunah N éh ri' de', ha' réh ngan Pilatus.

LUKAS 23:24

Inah Pilatus ngukum Éh matai pekua' éh pengeloo' réh nah.

LUKAS 23:26

La'ah irah alaa' Yésus ke' réh mihin Éh tai retek réh mematai Éh. Lem réh lakau inah, inah irah selalang ngan jah kelunan jin tana' Kirene, ngaran néh Simon. Kelunan inah tuai jin dayah juk tai Yérusalem, inah irah ngamit éh ke' réh nyohoo' éh nyu'un salib nyeliko Yésus nah.

LUKAS 23:5

Jaa'-jaa' néh réh bara' kepéh, ka' ha' réh, Neu' ha' tebaraa' Néh, inah Iah pebetéé' kenin kelunan pinaa' ke' réh pekayau belah irah ke'. Pu'un Éh pebetéé' kenin kelunan tong tana' Galilia pah avéé' tutuh tana' Yudea, ngan hun iteu' kepéh inah Iah tuai siteu', ha' réh ngan Pilatus.

YOHANES 18:40

Pelapah irah ngeradau, ja'au ha', ka' ha' réh, mai! Bé' éh Iah inah, jian keh ngelepu Barabas! Barabas nah iah jah kelunan pejamun.

YOHANES 19:16

Boh Pilatus mena' Yésus ngan réh ke' réh mematai Éh tong salib. Boh irah alaa' Yésus ke' réh mihin Éh.

PENGANEU' LAWAH 3:14

Yésus inah pu'un éh ni'ai ngan jian, bang ka'ah lepah bet Éh ngan pu'un keh menyat pika ngan Pilatus dokoo' néh ngelepu jah kelunan éh mematai kelunan.