LUKAS 23:10 - Rengah Jian

¹⁰ Boh irah pengeja'au imam ngan irah guru éh nebaraa' tong Surat Musa nekedéng maneu' Éh mu'un-mu'un ke' réh pesala' Éh.

LUKAS 23:10 Iomraidhean Croise

MATIUS 27:12

Bang bé' Yésus pané bara' ineu'-ineu' mipa ha' irah pengeja'au imam, kenat péh tong ha' irah pengeja'au kelunan Yahudi éh pesala' éh nah.

LUKAS 11:53

Hun Yésus piso jin sinah, irah guru éh nebaraa' tong Surat Musa ngan kelunan Parisi, pu'un réh maneu' éh mu'un-mu'un.

LUKAS 23:11

La'ah Herodis pemung ngan irah seradu peja' Yésus ngan pekenyaa' Éh. Pu'un réh pekerayung Éh palaa' jah kerayung éh jian mu'un, ke' réh mala' Éh ngan nyohoo' Éh moléé' kepéh tai Pilatus.

LUKAS 23:2

ke' réh maneu' Éh ngan pesala' Éh tong jumen Pilatus nah. Ka' ha' réh ngan Pilatus, Pu'un améé' ngamit kelunan iteu' uban Néh petawang pohoo' améé'. Uban pu'un Éh bara', Mai réh mena' sukai ngan raja' Rum. Uban Iah Éh pengeja'au kunah Néh, ngan ha' Néh kepéh, Iah éh Kristus Raja' améé', kunah N éh ri' de', ha' réh ngan Pilatus.

LUKAS 23:5

Jaa'-jaa' néh réh bara' kepéh, ka' ha' réh, Neu' ha' tebaraa' Néh, inah Iah pebetéé' kenin kelunan pinaa' ke' réh pekayau belah irah ke'. Pu'un Éh pebetéé' kenin kelunan tong tana' Galilia pah avéé' tutuh tana' Yudea, ngan hun iteu' kepéh inah Iah tuai siteu', ha' réh ngan Pilatus.

LUKAS 23:9

Kenat péh pinaa' arong rungen éh teneteng Herodis ngan Yésus, bang bé' Yésus mipa ineu'-ineu' éh teneteng lakei' inah.

PENGANEU' LAWAH 24:5

Améé' alaa' kelunan iteu' uban néh ngasau mu'un, uban semah-semah éh tai pah tipo tana', iah éh nebu'un kelunan Yahudi merek ngan betéé' maneu' kelunan. Inah kepéh, iah jah pengeja'au vun irah kelunan Nasaret.