LUKAS 22:8 - Rengah Jian

⁸ La'ah ka' ha' Yésus ngan Péterus rawah Yohanes, Jian kawah tai petenup ka'an kinan tam tong Dau Ja'au Paska, ha' Néh.

LUKAS 22:8 Iomraidhean Croise

MATIUS 3:15

Ha' Yésus mipa éh, Turut ke' éh kenat hun iteu', uban kenat éh jalan pesukup pengeloo' Allah, ha' néh. Boh Yohanes kivu sohoo' néh ngan ngebatis éh.

LUKAS 1:6

Jian barék roh tong ta'an Allah, pu'un roh kivu kekat sohoo' ngan pengeloo' kenin Tuhan.

LUKAS 22:9

Ka' ha' rawah ngan Néh, Semah mo petenup éh da', ha' roh.

PENGANEU' LAWAH 3:1

Jah dau Péterus ngan Yohanes tai tong umaa' Allah tovoo' jaka' sebayang, inah éh vevilang dau kuba'.

PENGANEU' LAWAH 3:11

Pu'un lakei' inah mengen Péterus ngan Yohanes, béé kenin irah pinaa' nah, nekedeu' réh tai umaa' Allah tavin réh teleu' retek luvang lamin éh ngaran néh, Lamin Salomo.

PENGANEU' LAWAH 3:3

Hun néh na'at Péterus ngan Yohanes juk masek tong umaa' Allah nah, pu'un éh menyat pika jin roh.

PENGANEU' LAWAH 4:13

La'ah irah Pengeja'au Komiti sebayang Yahudi, béé kenin réh uban Péterus ngan Yohanes makang kenin kenat, uban kejam réh rawah iteu' kelunan éh adek ke' awah, éh bé' jam surat, boh réh nesen rawah pu'un pemung ngan Yésus lepah nah.

PENGANEU' LAWAH 4:19

Bang ka' ha' Péterus rawah Yohanes mipa réh, Jian ka'ah tengéé' seruh, éh mah éh teneng tong ta'an Allah, hun mo mokoo' kivu sohoo' keh kenat, kineu', hun mo kivu sohoo' Allah? Éh mah éh teneng kunah ka'ah?

PENGANEU' LAWAH 8:14

Hun irah lawah Tuhan tong leboo' Yérusalem menéng rengah irah Samaria pu'un ngelan tong ha' tebaraa' Allah, pu'un réh nyohoo' Péterus rawah Yohanes tai ngan réh kepéh.

GALATIA 2:9

La'ah Yakub, Péterus, ngan Yohanes, éh pengeja'au réh, irah péh jam Allah pu'un mena' kereja' iteu' ngan ké'. Uban kenat réh teleu' petabi' ngan amo Barnabas tada' améé' pekua' kenin améé' béé pu'un bara' amo éh tai ngan réh teleu' éh tai ngan kelunan Yahudi.