LUKAS 22:41 - Rengah Jian

⁴¹ Boh éh piso jin irah kejuu' jah neput nah kejuu', boh éh ngejekuu' lep Néh ngan sebayang.

LUKAS 22:41 Iomraidhean Croise

MATIUS 26:39

Tai éh juu' si'ik jin irah, mohong éh tong tana' ngan sebayang, ka' ha' néh, O Amam, hun néh omok mai ke' buhaa' pengeketa iteu' teneng tong Akeu', bang jian Ke' kivu pengeloo' Ko', mai ke' kivu kenin ké' awah, ha' néh.

MARKUS 14:35

Tai éh juu' si'ik jin réh, mohong éh tong tana' ngan sebayang, menyat Tuhan nolong éh, hun néh omok, mai pengeketa inah teneng tong Iah.

LUKAS 18:11

Kelunan éh kivu adet Parisi nekedéng tengéé' ngan sebayang, ka' ha' néh, Akeu' bara' jian kenin ngan Ko' Tuhan, uban akeu' iteu' kelunan éh jian, bé' ku' kuman nyahan, bé' ku' ngebuyuk kelunan, bé' ku' nuyang pekua' kelunan éh pinaa' nah. Kenat péh akeu' bara' jian kenin ngan Ko', uban bé' ku' barei' kelunan éh alaa' sukai inah.

LUKAS 18:13

Kelunan éh alaa' sukai bé' éh tai danii', bé' éh na'at kebau tong seruga, bang néh tepap kebah néh awah. Ka' ha' néh, O Allah, Ko' pika akeu', akeu' iteu' kelunan éh penyala' awah, ha' sebayang néh.

PENGANEU' LAWAH 20:36

La'o Paulus pané kenat, boh éh ngejekuu' lep néh ke' néh sebayang pemung ngan kekat réh béé.

PENGANEU' LAWAH 21:5

Bang hun sukup dau mé' mokoo' ngan réh, lakau mé' kepéh. Kekat réh béé, pemung ngan redo ngan anak réh, mihin mé' jin leboo' réh patet mé' tai napun déhéé' baa' banget. Pu'un mé' ngejekuu' lep mé' ngan sebayang.

PENGANEU' LAWAH 7:60

Iah ngejekuu' lep néh ngan sebayang kepéh ngan ja'au ha', ka' ha' néh, O Tuhan, mai ke' mihau penyala' irah iteu', ha' néh. La'o néh sebayang kenat béé laset néh.

PENGANEU' LAWAH 9:40

La'ah Péterus nyohoo' kekat kelunan musit jin lamin inah, boh éh ngejekuu' lep néh ngan sebayang, la'o inah pupah éh na'at patai redo inah, ka' ha' néh, O Tabita, betéé' ke', ha' néh. La'ah pekang maten redo inah, ngan hun néh na'at Péterus, pelapah menyun éh.

IBRANI 5:7

Hun Yésus pu'un tong tana', Iah sebayang ngan menyat mu'un ngan mangaa' bara' kekat pengenyat Néh ngan Allah éh pu'un penyukat ngelepu Éh jin pematai. Uban Yésus ngerera' ngan tigéh tong Allah, Allah menéng ha' pengenyat Néh.