LUKAS 22:36 - Rengah Jian

³⁶ Ka' ha' Néh kepéh, Bang hun iteu' tengéé' mu'un éh jin sahau rai, séé'-séé' éh pu'un rigit ngan pu'un gaweng, jian éh mihin éh. Hun kerayung néh pu'un, jian éh melih éh dokoo' néh omok melih po'é palaa' rigit tong kerayung inah.

LUKAS 22:36 Iomraidhean Croise

MATIUS 10:10

Mai keh menyat ineu'-ineu' jin kelunan. Mai keh alaa' kerayung keh duah, kenat péh kasut ngan sekot keh. Uban hun kelunan kereja' tekep iah alaa' kekat éh juk penakai néh jin irah éh tenavin néh, ha' néh.

LUKAS 22:35

La'ah Yésus neteng irah éh bakéh Néh, ha' Néh, Kineu' keteleu', hun Ké' nyohoo' keh lakau sahau rai hun Ké' meta' keh mihin gaweng ngan rigit ngan kasut ngan bék keh rai kineu', pu'un ineu'-ineu' éh bé' sukup ngan keh, ha' Néh. Ha' irah bakéh Néh, Bé', hun irai kekat néh béé pu'un éh sukup, ha' réh.

LUKAS 22:37

Hun iteu' Akeu' bara' kenat ngan ka'ah uban kekat ha' lem surat Allah éh bara', Pu'un irah maneu' éh pekua' irah éh pu'un penyala' mu'un, kekat ha' inah pu'un éh teneng tong Akeu' mu'un. Uban kekat éh lepah senurat réh tong Akeu', adang néh pu'un avéé' tong Akeu' pekua' éh senurat réh kenat, ha' Yésus ngan réh.

LUKAS 22:38

Ha' irah bakéh Néh kepéh, O Tuhan, pu'un po'é duah siteu' ne', ha' réh. Ha' Yésus kepéh, Ma'o lah, ha' Néh.

YOHANES 15:20

Jian keh seruh kepéh tong éh benara' Ké' ngan keh rai, kelunan sohoo' bé' éh ja'au ngaran jin pengeja'au néh. Hun néh kenat jian keh jam hun irah peketa Akeu', adang réh juk peketa keh kepéh. Hun réh mihau ha' tebaraa' Ké', adang réh keloo' mihau ha' tebaraa' keh kepéh.

YOHANES 16:33

Pu'un Akeu' bara' kenat ngan keh dokoo' keh omok pawah kenin dalem Akeu'. Kelebéé' keh pu'un tong tana' adang keh pu'un tusah, bang jian keh reken kenin, Akeu' éh lepah nyopéé' kekat éh tong tana' iteu', ha' Néh.

1 TESALONIKA 3:4

Uban hun améé' pu'un mokoo' keto ngan keh rai, bé' jak pu'un penusah inah, pu'un améé' bara' adang uleu' juk jam tusah, ngan ka'ah jam, pu'un éh mu'un kenat pekua' benara' mé' ngan keh rai.

1 PÉTERUS 4:1

La'ah uban Kristus lepah tagong pengeketa tong usah Néh, jian ka'ah ngegahang kenin keh palaa' penyeruh éh pekua' kenin Kristus. Éh ke' néh kenat uban séé'-séé' éh tagong pengeketa tong usah néh, bé' iah maneu' penyala' kepéh.